भारतको सन्त आश्रममा झडप, ६ जनाको मृत्यु

मंसिर ३- काठमाडौं,  भारत हरियाणा राज्यको बरवालास्थित रामपाल गुरुको सतलोक आश्रममा झडप हुँदा मृत्यु हुनेको संख्या ६ पुगेको छ । विभिन्न अभियोग लागेका रामपाललाई मंगलबार अदालतमा पेश गर्नुपर्ने भएपछि प्रहरीले उनलाई पक्राउ गर्न प्रयास गरेको थियो ।

यसैक्रममा प्रहरी र उनका समर्थकबीच भएको झडपमा २ सयभन्दा बढी घाइते भएका थिए । स्थानीय प्रहरी अधिकारीहरुले सबै शवको पोष्टमार्टमपछि मात्र मृत्युको कारण पत्ता लाग्ने जनाएका छन् ।

बरवाला सहरमा रहेको रामपालको आश्रममा हतियारधारी समर्थकहरुले केहीलाई नियन्त्रणमा लिएको र महिला तथा बालबालिकालाई मानवढाल बनाएको प्रहरीले जनाएको छ । प्रहरी कारबाहीपछि आश्रमबाट मंगलबार १० हजार मानिसलाई सुरक्षितरुपमा बाहिर निकालिएको जनाइएको छ । आश्रमभित्र अझै ५ हजार मानिस रहेको अनुमान गरिएको छ ।

रामपालविरुद्ध हत्या प्रयास, आपराधिक षड्यन्त्र र राजद्रोहलगायतका मुद्दा दायर गरिएको थियो । रामपालले भने आफूमाथिको आरोप अस्वीकार गर्दै आएका छन् । उनलाई १७ नोभेम्बरसम्म अदालतमा पेश गर्न स्थानीय प्रशासनलाई आदेश दिएको थियो । (एजेन्सी)

एक महिनाअघि नै बनेको थियो बैंक लुटपाटको योजना

मंसिर ३- रौतहट, चन्द्रनिगाहपुरस्थित एसबिआई बैंकमा भएको २० लाखको लुटपाटमा कर्मचारीको मिलोमतो रहेको प्रहरीले तथ्यहरु फेला पारेको छ ।

चन्द्रपुर नगरपालिका १ स्थित मेन रोडमा रहेको नेपाल एसबिआई बैकबाट रकम झिकेर निस्केका आइडि बैकका गार्डलाई गोली हानी लुटेरा समुहले मंगलवार २० लाख रुपैया लुटे पछि अनुसन्धान शुरु गरेको प्रहरीले आइडि बैंक कै एक कर्मचारी संलग्न रहेको निस्कर्ष निकालेका हुन ।

रकम लुटपाट भएको बैंकका कर्मचारी शम्भू थापा लाई चन्द्रनिगाहपुर प्रहरीले मंगलवार राति नियन्त्रणमा लिएर अनुसन्धान सुरु गरेको हो ।

आइडी बैंकमा कारोबारकै क्रममा दिउसो १ बजे रकम अभाव भएपछि एसबिआई बैंकबाट २० लाख झिक्न बैंकका वरिष्ठ सहायक उज्वल रिजाल र सुरक्षा गार्ड तेज बहादुर कार्की गएका थिए । रकम झिकेर भ¥याङ्ग बाट तल झर्दै गर्दा लुटेराहरुले गोलि प्रहार गर्दै पैसाको झोला खोसेर भागेका थिए ।

ठूलो परिमाणमा रकम झिकिन लागेको खबर बैंक कर्मचारीले नै लुटेरालाई दिएको हुन सक्ने प्रहरीको आशंका छ । घटना पछि बैंकका कर्मचारीहरु सित पनि प्रहरीले बयान लिएका छन् ।

को हुन राई ?

प्रहरीको निगरानीमा उपचारार्थ नेशनल मेडिकल अस्पताल भर्ना रहेका नारायण राई सिन्धुली पिपलमाडी १ का निवासी हुन । उनी एनेकपा माओवादीमा पूर्व लडाकु हुन् । शक्तिखोरमा समेत बसेका राई स्वेक्षिक अवकास लिएर बाहिरिएर वैद्य माओवादीमा लागेका थिए । गोलिलागेर ढलेका राइलाई खानतलासी गर्दा प्रहरीले शक्तिखोरको परिचयपत्र बरामद गरेको छ ।

वीरगंजमा उपचार गराइ रहेका राईको अवश्था खतरामुक्त रहेको प्रहरी उपरिक्षक सानु बाबु थपलियाले बताएका छन् । लुटेराको गोलि लागी घाइते भएका आईडि बैंकका सुरक्षा गार्ड तेज बहादुर कार्कीको अवश्था पनि सामान्य रहेको छ ।

उनीहरुले लुटेको रकम अझै बरामद नभए पनि नियन्त्रणमा लिइएको मोटरसाइकलको आधारमा पनि लुटेराको पहिचान हुन सजिलो हुने प्रहरीले जनाएको छ ।

लुटिएको रकम र लुटेरा पक्राउ गर्न प्रहरी उपरिक्षक सहित को टोलीले विभिन्न स्थानमा खोजीकार्य तिब्र बनाएका छन ।

बैंक लुटको योजना

प्रहरीका अनुसार बैंक लुटपाटको योजना झण्डै एक महिना अघि देखि बनेको थियो । चन्द्रनिगाहपुर मै रहेको रोमियो एण्ड जुलियट होटेलको कोठा नंं. १०५ मा लुटेराहरु बसेको प्रहरीले जनाएको छ । १४ कार्तिकमा आइडि बैंकका कर्मचारी शम्भू थापा र चन्द्रनिगाहपुरका स्थानिय शुशील दुलालले नै कोठा बुक गरेको र त्यसपछि लगातार उनीहरु त्यहाँ बस्ने गरेको होटेल सँचालक आशिष दहालले बताएका छन ।

हिजो प्रहरीले गोलि प्रहार गरी नियन्त्रणमा लिएका नारायण राई लगायत चार जना व्यक्ती होटेलमा बस्ने गरेको र पटक पटक पोखरा गएको प्रहरीको प्रारम्भीक अनुसन्धानमा खुलेको छ । होटेलमा बस्दा लुटेरा चारजना सँगै बैंक कर्मचारी थापा र स्थानिय सुशील दुलालले मदिरा सेवन गर्ने गरेको प्रमाण प्रहरीले फेला पारेको छ । घटना पछि शुसील दुलाल पनि बेपता भएका छन् ।

भर्जिन युवतीलाई मात्र प्रहरीमा जागिर

एजेन्सी– इण्डोनेसियाको प्रहरीमा भर्ती हुँदा महिलाको भर्जिनिटी जाँच्नुपर्ने प्रावधानको मानवअधिकारवादी संस्था ह्युमन राइटस् वाचले विरोध जनाएको छ ।
संसारको सबैभन्दा बढी मुस्लिम जनसंख्या रहेको इण्डोनेसियाको कानुनमा महिला प्रहरीमा भर्ती हुन अविवाहित र भर्जिन कुमारी हुनुपर्ने व्यवस्था छ ।
व्यापक विरोधका बाबजुद उक्त प्रावधान हटाइएको दाबी गरेको इण्डोनेसिया सरकारले भित्रभित्रै व्यवहारिक रुपमा प्रहरीमा भर्ती हुने युवतीहरुको भर्जिनिटी जाँच गर्न छाडेको छैन । प्राप्त समाचारहरुमा हालै प्रहरीमा भर्ना भएका युवतीहरुले आफ्नो भर्जिनिटी जाँच गरिएको बताएका छन् । ‘त्यो खराब क्षण म सम्झन्न पनि चाहन्न, त्यसबेला मैले सहनै नसक्ने अपमान महसुस गरेकी थिएँ ।’
हालै प्रहरीमा भर्ना भएकी १९ वर्षीया एक महिला प्रहरीको भनाइ उद्धृत गर्दै ह्युमन राइट वाचले जनाएको छ ।
अलजजिरा टेलिभिजनको अनलाइन संस्करणका अनुसार अपरिचतल व्यक्तिलाई कपडा खोलेर भर्जिनिटी टेष्ट गराउँदा आफूहरुलाई अपमानित महसुस हुने गरेको महिला प्रहरीले बताएका छन् । 

भिडियो हेर्न तल क्लिक गर्नुहोस :

काभ्रेको पाँचखालबाट लुटिएको ३६ केजी सुन लुट प्रकरणमा मुछिए एमाओवादीका अध्यक्ष पुष्पकमल दाहाल ‘प्रचण्ड’

मंसिर २, मंगलबार, दुई साता अगाडि काभ्रेको पाँचखालबाट लुटिएको ३६ केजी सुन लुट प्रकरणमा एमाओवादीका अध्यक्ष पुष्पकमल दाहाल ‘प्रचण्ड’ मुछिएका छन् । चीनबाट नेपाल अबैधरुपमा भित्र्याइएको ३६ केजी सुन लुट काण्डमा पुष्पकमल दाहालका पूर्व सवारी चालक उज्वल लामा पक्राउ परेपछि उक्त रहस्य खुलेको हो । उज्वल लामालाई महानगरीय प्रहरी अपराध महाशाखाले पक्राउ गरेपनि अनुसन्धान नै नगरी प्रचण्डको दबाबमा छाडेको स्रोतले बतायो । सोही अवैध सुन लुट प्रकरणमा उज्वल लामालाई सघाउने काभ्रेका गुण्डा वाला लामाको समूह उक्त घटनापछि एमाओवादीका नेता तथा पूर्व उर्जा राज्यमन्त्री सूर्यमान दोङ उर्फ लालध्वजको घरमा रात विताउनुले पनि लुट प्रकरणमा एमाओवादी नेताहरुको संलग्नता पुष्टि हुने आधार मिलेको छ । लालध्वज अध्यक्ष प्रचण्ड निकट मानिन्छन् । स्रोतका अनुसार गत १५ कार्तिकमा खासाबाट अबैध रुपमा राजधानी भित्र्याउन लागिएको ३६ केजी सुन प्रचण्डका पूर्व सवारी चालक तथा प्रकाश दाहाल निकट एमाओवादीका काठमाडौं सेक्रेटरी उज्वलको योजनामा लुटिएको थियो । काभ्रेली समूहमा आवद्ध गुण्डाका रुपले चिनिने वाला लामाको समुहले उज्वललाई सघाएको थियो ।

लुटेराको समूहले पाँचखालबाट गाडि नियन्त्रणमा लिई सुनसहितको बुलेरो गाडिलाई काभ्रेको लामीडाँडा पु¥याएको थियो । कामीडाँडा पु¥याई सुन लुटेपछि मात्र सुन लुटिएको प्रहरीले सुईको पाएको थियो । ३६ केजी सुन उब्जल लामा र बुलेरो गाडिको चालक जंगबहादुर विश्वकर्मालाई प्रहरीले नियन्त्रणमा लिएर सोधपुछ गरेपनि लुटिएको सुन बरामद भएको छैन । चालक बिश्वकर्माले उक्त लुट प्रकरणमा उज्वल लामा र वाला लामालगायतका केही ब्यक्तिले नियन्त्रमा लिई अपहरण गरेको मौखिक जाहेरी दिएपनि पक्राउ परेका उज्वललाई भने राजनीतिक दबाबपछि अपराध महाखाखा प्रहरीले अनुसन्धान नै नगरी छाडेको स्रोत बताउँछ । यो सुन लुट प्रकरणलाई अपराध महाशाखा हनुमानढोकाकी डीएसपी मिरा चौधरीले अनुसन्धान गरिरहेकी छिन् । डीएसपी चौधरी चरी ईन्काउण्टर काण्डमा समेत मुछिएकी थिइन् ।

उता प्रहरीले भने काभ्रेका गुण्डा वाला लामालाई ब्यापक खोजी गर्न थालेको छ । वाला एमाओवादी नेता लालध्यजको शरणमा पुगेको बताईन्छ । प्रचण्डका पूर्व सवारी चालक उज्वल पक्राउ परेको दिन अर्थात ९गत २० कार्तिक० राती वाला लामाले पेश्सीकोलास्थित लालध्वजको निवास रात बिताएका थिए । स्रोतका वाला भोलीपल्ट मात्र काभ्रे हानिएको थिए भने सुन चालक विश्वकर्मा,उज्वल लामा र वालाको मिलोमत्तोमो लुटिएको थियो । चालक बिश्वकर्माले बिगत तीन बर्षदेखि अबैध सुन तातोपानीबाट राजधानीसम्म क्यारिङको काम गर्दै आएका थिए । उनले तीन बर्षमा नै खासाको लिपिङमा करोडौंको महल खडा गरेका छन् । चालक बिश्वकर्माको सहयोगमा उज्वलले लुट्ने सेटिङ तयार गरेपछि ३६ केजी सुन लुटिएको थियो । तर, अवैध सुनका मालिक को हुन रु भन्ने कुरा अझै पुष्टि हुन सकेको छैन । स्रोतका अनुसार उक्त सुनका मालिक बौद्ध पीपलबोट भित्र बस्ने तिब्बतियन नागरिक हुन् । चालक भने सुन लुटेको पुष्टि गर्न आफू अपहरणमा परेको भन्दै प्रहरीमा जाहेरी दिन भोलीपल्ट पुगेका थिए । काभ्रेमा भएको अपराध जिल्ला प्रहरी कार्यालय काभ्रे र घटना भएको स्थानमा रहेको ईलाका प्रहरी कार्यालय पा“चखाललाई कुनै जानकारी नहुनु तथा सवारी चालक सुन लुटिएको भोलीपल्ट अपराध महाशाखा हनुमानढोकामा उजुरी लिएर पुग्नुले समेत चालकको सेटिङमा सुन लुटिएको पुष्टि हुन्छ ।

स्रोतका अनुसार ३६ केजी सुन मध्ये ३० केजी चालक बिश्वकर्मा र उज्वलले सुरक्षित ठाउँमा पु¥याई बाँकी ६ केजी सुन गुण्डा वालाको समूहलाई परिचालन गरेर लुटाएपछि ३६ केजी सुन लुटिएको सूचना अवैध सुनका मालिककहाँ पु¥याएका थिए । अवैध सुनका मालिकले लुटेराको समूहले अपहरण गरेको भन्दै प्रहरीमा उजुरी दिन भनेपछि मात्र चालक बिश्वकर्मा बाध्य भएर भोलीपल्ट प्रहरीका पुगेका थिए । स्रोतका अनुसार ३० केजी सुन प्रचण्डको निवास वा कुनै सुरक्षित ठाँउमा पु¥याइएको छ । वाला लामालगायत ब्यक्तिको नाम उजुरीमा दिएपनि प्रचण्ड निवासबाट दबाव आएका कारण उनीहरुलाई पक्राउ गर्न प्रहरीलाई हम्मेहम्मे परेको छ भने उज्वल लामा पक्राउपछि छुटिसकेका छन् । पहिला तिनै उज्वल प्रचण्डको प्यारा सवारी चालक थिए । उज्वलको गाँउ काभ्रेको तिमालमा समेत प्रचण्ड परिवार जाने गरेको उज्वल स्वयम्ले सामाजिक सञ्चाल फेसबुकमा राखेको फोटोबाट पुष्टि हुन्छ ।

जब मुलुकमा माओबादी जगजगी थियो, त्यतिबेला यिनै उज्वलले राजधानीमा नाम चलेका गुण्डालाई उठाउँदै शुद्धीकरण गर्ने नाममा क्याम्पमा लैजाउँदै सुनका सिक्री, मोबाइल, घडिलगायतका सामाग्री लुट्ने तथा मरणासन्न कुटपिट गर्थे । २०६२ मा उज्वल राजधानीका प्रायजसो गुण्डाका नाईकेलाई प्रहरीकै शैलीमा पक्राउ गरी बालाजुस्थित वाईसिएल क्यापमा लगेर कुटपिट गर्ने गरेका थिए । गुण्डा शुद्धीकरण अपरेशन चलाउने तिनै वाईसिएलमा आवद्ध उज्वल यतिखेर सुन लुट प्रकरणमा जोडिएका छन् । बिस्तारै वाईसिएलको राजधानीमा जगजगी कम हुन थालेपछि उनी डनहरुको आँखाको तारो बनेका थिए । डनहरुको आँखाको तारो बनेका उज्वल ज्यान जोगाउन भागेर कोरिया पुगे । पाँच बर्षको कोरिया बसाईपछि उज्वल नेपाल फर्केका थिए भने अहिले सुन लुटेरा उज्वल र वाला लामाको समूहलाई बचाउन एमाओवादीका अध्यक्ष प्रचण्डदेखि लालध्वजसम्म ज्यान फालेर लागेपछि उनीहरुको समेत उक्त लुट प्रकरणमा संलग्नता पुष्टि हुने आधार मिलेको छ ।
जनप्रहार साप्ताहिकबाट
स्रोत- http://nepalpati.com/news/2133/Prachanda#sthash.MWnFHtDY.dpuf भिडियो हेर्न तल क्लिक गर्नुहोस :

१० सेकेन्डको चुम्बनले ८ करोड भन्दा बडी ब्याक्टेरिया सर्ने !

आजकाल एक अर्कालाई चुम्बन गर्नु सामान्य कुरा भइसकेको छ । मानिसहरु खुसी भएको बेलामा एक अर्कालाई चुम्बन गरेर आफ्नो प्रेम व्यक्त गर्ने गर्दछन् । तर के तपाईंलाई थाहा छ ? १० सेकेन्डको चुम्बनले तपाईंको शरिरभित्र ८ करोड ब्याक्टेरियाको प्रवेशमा सहयोग गर्दछ ।

अचम्मित हुनुभयो नी ? हो, एक नयाँ अनुसन्धानको अनुसार १० सेकेन्डको चुम्बनमा करिब ८ करोड ब्याक्टेरिया एउटा व्यक्तिको मुखबाट अर्को व्यक्तिको मुखमा सर्ने गर्दछ । यस्तो प्रकारको चुम्बन कम्तीमा पनि दिनको १० पटक गरेमा उक्त जोडीको एकै प्रकारको ओरल ब्याक्टेरिया पाइने उक्त अध्ययनले निष्कर्ष निकालेको छ ।

नेदरल्याण्डमा अवस्थित अर्गनाइजेसन फर अप्लाइड साइन्टिफिक रिसर्चले उक्त अध्ययन गरेको हो । यो अध्ययनका प्रमुख लेखक रेम्को कोर्टका अनुसार उनले यो शोध २१ जोडीमा गरेका हुन् । कोर्टले जोडिसँग उनीहरुको चुम्बन गर्ने तरिकाको बारेमा प्रश्न गरेका थिए ।

ब्याक्टेरियाको संरचनाको गणना गर्नका लागि केहि जोडीहरुलाई निमन्त्रणा दिएको थियो । शोधका अनुसार एक अन्तरंग चुम्बन पछि चुम्बन गर्ने व्यक्तिको र्यालमा प्रोबायोटिक ब्याक्टेरियाको मात्रा तीन गुणा बढेको थियो । यो तरिकाबाट १० सेकेन्डमा यो आँकडा ८ करोड पुगेको थियो । (एजेन्सी)

मोबाइल माग्दा तीन वर्षीय बालकको गुप्ताङ्ग काटियो

(एजेन्सी)  अहिलेको युग प्रविधिको युग भएको कारणले पनि हुनसक्छ, बच्चाहरु निकै सानो उमेरदेखि नै ल्यापटप, ट्याबलेटजस्ता उच्च प्रविधियुक्त सामग्रीहरु निकै सहज रुपमा चलाउने गर्दछन् । साधारण परिवारको बच्चाले पनि मोबाइलमा गेम खेल्नु सामान्य भइसकेको छ । आफ्नो आमा–बुवा, दाजु, भाइ, हजुरबुवा, हजुरआमा, जसले मोबाइल चलाइरहेका छन्, उनीहरुसँग मोबाइल मागेर गेम खेल्न बालकहरु पछि पर्दैनन् । मोबाइल नदिँदा उनीहरुले रोएर दुखसमेत दिने गर्दछन् । तर, भर्खरै एउटा यस्तो घटना सार्वजनिक भएको छ जसमा एउटा बच्चाले आफ्नी आन्टीसँग मोबाइल माग्दा आफ्नो गुप्ताङ्ग नै गुमाउनु परेको छ ।

 एक अंग्रेजी वेभसाइटका अनुसार, बच्चाको आमा जब घरमा फर्किन् तब त्यहाँको दृश्य देखेर भावविह्वल भइन् । ती बालकको रगत निकै बगेका कारण बेहोस भइसकेका थिए । उनले तत्काल छोरालाई अस्पताल पुर्याइन् जहाँ डाक्टरहरुले उनको गुप्ताङ्ग जोडिदिए र ठूलो अस्पतालमा भर्ना गर्नका लागि बेइजिङ रिफर गरिदिए । अस्पतालका प्रवक्ताका अनुसार चक्कु धेरै धारिलो नभएका कारण गुप्ताङ्गलाई दोस्रोपटक जोड्न सफल भएको बताए ।

 अहिले ती बालकको उपचार चलिरहेको छ । अहिलेसम्म उनको तीन पटक सफल शल्यक्रिया भइसकेको छ । उनी अघिल्लो तीन महिनासम्म पूरै स्वस्थ हुने आशा गरिएको छ । पुलिसका अनुसार आरोपी महिला पक्राउ परिसकेकी छिन् । उनले आफ्नो आरोप पनि स्विकार गरिसकेकी छिन् । यसका लागि उनलाई पाँच वर्षको लागि जेल सजायँ सुनाइएको छ ।

यो घटना मध्य चीनको एउटा शहरमा भएको हो जहाँ शु पान नामकी ३७ वर्षीय महिलाले बच्चामाथि त्यतिबेला हमला गरिन् जब उनकी आमा घरभन्दा बाहिर छिमेकीकोमा गएकी थिइन् । पुलिसका अनुसार शु ट्वाइलेटमा बसेर आफ्नो प्रेमीलाई मेसेज गरिरहेकी थिइन् त्यतिबेला नै तीन वर्षका बालक उनको अगाडि आएर उनीसँग गेम खेल्नका लागि मोबाइल माग्न थाले । मोबाइल दिनु सट्टा उनी रिसाउँदै किचनमा गइन् र त्यहाँबाट चक्कु ल्याएर ती बालकको गुप्ताङ्ग नै काटिदिइन् । घटनालगत्तै घाइते बच्चालाई त्यहि छोडेर शु त्यहाँबाट भागिन् ।

‘तनावका कारण’ भेडासँग सम्भोग!

 भेडासँग सेक्स गरेका विश्वविद्यालयका एक विद्यार्थीले आफू आउँदो परिक्षाका कारण तनावमा भएको पुलिसलाई जानकारी दिएका छन् ।
विश्वविद्यालय फ्रेश्नो स्टेट युनिभर्सिटीका अरु विद्यार्थीहरुले क्याम्पसमा भएको भेडाको गोठबाट अनौठो प्रकारको आवाज आएपछि हेर्न जाँदा उक्त तथ्य फेला परेको बताएका छन् ।

२३ वर्षीय ती विद्यार्थीलाई जनावरमाथि करणी गरेको मुद्दामा पक्राउ गरिएको छ । पक्राउ पछि ती विद्यार्थीले आफू आउँदो परिक्षाका कारण तनावमा भएका कारण रक्सी पिएको बेहोसीमा भेडामाथि करणी गरेको स्पष्टिकरण दिएका छन् ।

उक्त क्याम्पसमा जनावरसँग काम गर्ने मारिसा बुर्कडल भन्छन्,‘यो निकै खेदपूर्ण कुरा हो जसले मलाई निकै रुष्ट बनाएको छ । म भन्छु, ती मानिसले किन यस्तो अप्राकृतिक कृत्य गरे ?’

स्कुलमा प्रजननको लागि राखिएको उक्त भेडालाई भेटेनरी डाक्टरहरुले उपचार गरिरहेका छन् । (एजेन्सी)