बाेका चाेर पक्राउ :

 बाेका चाेर पक्राउ :
असोज २२ भोजपुर,  छिमेकीका खसीबोका चोरेर बेच्नेलाई जिल्ला प्रहरी कार्यालय भोजपुरले पक्राउ गरेको छ । छिमेकीको उजुरीका आधारमा भोजपुर नगरपालिका—११ का ४० बर्षिय होमनाथ ढकाललाई मंगलबार प्रहरीले प्रक्राउ गरेको हो ।
ढकालले छिमेकीहरु चन्द्रप्रसाद सुवेदी, पशुपति सुवेदी र नरबहादुर कार्कीको एउटा बाख्रा र दुइवटा बोका चोरेको पीडितले उजुरी दिएका थिए । पक्राउ परेका ढकालले आफूले छिमेकीको बाख्रा र बोका चोरेर बेचेको बताएका छन् । ढकाललाई चोरी मुद्धा दर्ता गरेको प्रहरीले जनाएको छ ।

Source:http://hamrovojpur.blogspot.com

इबोलाबाट संक्रमित बिरामीको मृत्यु

(एजेन्सी)  आश्विन २३- काठमाडौं,  । इबोलाबाट संक्रमित पहिलो बिरामीको मृत्यु भएको छ । ४२ वर्षीय थोमस एरिक डंकनको अमेरिकाको टेक्सासमा उपचारका क्रममा मृत्यु भएको हो ।

लाइबेरियामा रहँदा इबोला भाइरस देखा परेपछि उनलाई उपचार गर्न अमेरिका लगिएको थियो ।

यसैबीच, सियरालियोन, लाइबेरिया र गिनीमा मात्रै इबोलाका कारण हालसम्म ३ हजार ८ सय ६५ जनाको ज्यान गइसकेको छ । पश्चिमी अफ्रिकामा महामारीको रुप लिइरहेको इबोला भाइरस पछिल्लो समय स्पेनमा पनि देखा परेपछि पुरै युरोपमा सन्त्रास फैलिएको छ ।

उता, विश्व स्वास्थ्य संगठन (डब्ल्युएच)ले विकसित मुलुकमा समेत थप इबोला संक्रमित फेला पर्न सक्ने चेतावनी दिएको छ ।

अहिलेसम्म बिश्वभर झन्डै ७ हजार ५ सय इबोलाका बिरामी फेला परेको बताइन्छ ।

बेहुली ट्राफिक जाममा फसेपछि रेडियोमार्फत भयो विवाह

(एजेन्सी) - मानिसले आफ्नो विवाहलाई अविष्मरणीय बनाउन विभिन्न क्रियाकलाप गर्ने गर्दछन् जस्तै कसैले समुन्द्र मुनी गएर विवाह गर्छन्, कसैले हिऊँको घरभित्र विवाह गर्छन् भने कसैले विवाहको कार्यक्रममा हाँस्यास्पद क्रियाकलाप गरेर यसलाई जीवनको यादगार पलको रुपमा हेर्ने गर्दछन् । विवाहलाई अविष्मरणीय बनाउन थुप्रै जोडिहरुले महिनौँ दिन अघिदेखि यसको योजना बनाउने गर्दछन् जसमा उनीहरुको मोटो रकम र समय खर्च हुने गर्दछ । यस्तैमा चीनमा पनि एउटा अच
चीनको जेजियांग प्रान्तमा बस्ने यान मेंगसिया आफ्नो विवाहको लागि ३०० किलोमिटर टाढा योंगकांग पुग्नु थियो । विवाह गर्न गाडीमा बसेकी उनी निकै ठूलो ट्राफिक जाममा परिन् । त्यहाँबाट निस्कन सम्भव छैन भन्ने थाहा पाएपछि ती बेहुलीको होस् उड्यो । तर उनको उडेको होस्लाई एक रेडियो स्टेसनले फिर्ता ल्याइदिएको छ । चिनियाँ समाचार माध्यममा निकै चर्चित बनेको यो घटना गत अक्टोबर १ तारिखको हो ।
बेलुका हुने भनिएको विवाह समारोहका लागि दिउँसो निस्केकी बेहुली ठूलो ट्राफिक जाममा परेको थाहा पाएपछि उता बेहुला पनि निकै तनावमा थिए । ट्राफिक अपडेटका लागि उनले पटक–पटक FM93 ट्राफिक रेडियोको हटलाइनमा फोन गरिरहेका थिए । विवाहको लागि अरु केहि उपाय नभेट्टाएपछि बेहुला–बेहुलीले रेडियोमार्फत नै एक अर्कालाई पति–पत्नीको रुपमा स्विकार गरेका थिए । यसरी रेडियोमा विवाह गर्ने सम्भवतः यो जोडि पहिलो जोडि हो ।

म्मको विवाह सम्पन्न भएको छ । तर यो विवाह अविष्मरणीय हुन्छ भनेर न त बेहुला–बेहुलीले सोचेका थिए न त उनीहरुले यसको लागि महिना दिनदेखि योजना नै बनाएका थिए ।

बलात्कार आरोपमा पाँचजनालाई फाँसी

अफगानिस्तानमा सामूहिक बलात्कारका आरोपी पाँचजनालाई बुधबार फाँसीको सजाय दिइएको छ। मानवाधिकार संगठनले अफगानिस्तानका राष्ट्रपति असरफ गनीसमक्ष फाँसीको सजाय रोक्न माग गरे पनि रोकिएन।

ती पाँच व्यक्ति चार महिलाको बलात्कार गरेको आरोपमा दोषी ठहर भएका थिए। उनीहरूले गत अगस्तमा पगमान सहरमा विवाहबाट फर्किरहेका चार महिलाको अपहरण गरी बलात्कार गरेका थिए। ह्युमन राइट्स वाच (एचआरडब्लु) ले सुनुवाइका क्रममा प्रमाणको कमी भएको भन्दै कानुनी प्रक्रिया पूरा नभएको दाबी गरेको थियो। यससँगै अपराध बलजफ्ती स्विकार्न लगाएकोसमेत जानकारीमा आएको छ।

चार महिलाको सामूहिक बलात्कारको घटनालाई लिएर अफगानिस्तानमा देशव्यापी रूपमा विरोध प्रदर्शन भएको थियो। अफगानिस्तानका पूर्वराष्ट्रपति हमिद कारजाईले समेत दोषीलाई मृत्युदण्ड सजाय माग गरेका थिए। अफगानिस्तानमा सामान्यतया बलात्कारमा भन्दा सशस्त्र डकैतीमा मृत्युदण्ड दिइने गरिन्छ। अफगानिस्तानका महान्याधिवक्ताका प्रवक्ता अता मोहम्मद नुरीले भने, 'दोषीलाई फाँसी हुनैपर्छ र यसैअनुसार भयो।'

गत साता पदबाट हट्नुअघि कारजाईले फाँसीको सजायमा हस्ताक्षर गरेका थिए। प्रहरीका अनुसार सात आरोपीहरूले प्रहरीको पोसाकमा बन्दुक लिएर अगस्त २३ को बिहान गाडीको समूह रोकेका थिए। उनीहरूले चार महिलालाई गाडीबाट तानेर लगेको, उनीहरूसँग भएको सम्पत्ति लुटेको, उनीहरूलाई कुटपिट गरी बलात्कार गरेका थिए।

यस घटनामा पीडित एक महिला गर्भवती भएको बताइएको छ। सातजनामध्ये दुईजनालाई भने आजीवन कारावासको सजाय सुनाइएको थियो। अफगानिस्तानमा महिलामाथि हुने हिंसालाई सामान्य घटनाको रूपमा लिइन्छ, तर पहिलोपटक सबैको ध्यान यस बलात्कारको घटनामा तानिएको छ।

अमेरिकी सेनाद्वारा आईएस लडाकुको हतियार भण्डार ध्वस्त

अमेरिकी सेनाद्वारा आईएस लडाकुको हतियार भण्डार ध्वस्त 

काठमाडौं, आश्विन २३ ।  अमेरिकी नेतृत्वको गठबन्धन सेनाले सिरिया र टर्कीको सीमामा रहेको कोबान शहरमा इस्लामिक स्टेटका लडाकुविरुद्ध भीषण आक्रमण जारी राखेका छन् ।

हवाई आक्रमणमा लडाकूको हतियार भण्डार ध्वस्त गरिएको बताइएको छ । हवाई आक्रमण प्रभावकारी बन्दै गरेको र आईएस लडाकू पछि हट्न बाध्य हुन थालेका एक कुर्दिस अधिकारीले दावी गरेका छन् ।

तीन सातादेखिको संघर्षमा ४ सयभन्दा बढी व्यक्ति मारिनुका साथै एक लाख ६० हजारभन्दा बढी नागरिक अन्यत्र पलायन भएका छन् । कोबान शहर आईएसको नियन्त्रणमा आएमा सिरिया र टर्कीको लामो सीमा क्षेत्र नियन्त्रणमा जाने छ । आईएसले सिरिया र इराकको ठूलो भूभाग आफ्नो नियन्त्रणमा लिएको छ ।

इबोला स्पेन भित्रियो, युरोपभरि त्रास

म्याड्रिड, असोज २२ – विशेषगरी पश्चिमी अफ्रिकी देशमा ठूलो महामारीको रुप लिइरहेको इबोला भाइरसले स्पेनमा प्रवेश पाएपछि अब युरोपमा नै त्यसको सङ्क्रमण बढ्ने खतरा देखिएको छ ।

स्पेनमा देखिएको सो सङ्क्रमणले युरोपमा नै त्रास फैलिएको प्राप्त समाचारमा जनाइएको छ । यसका कारण युरोपेली देशहरुमा पनि यस रोगको प्रकोप बढ्ने आशङ्का गरिएको छ ।

स्पेनमा मङ्गलबार थप चारजना इबोलाका बिरामी भेटिएका छन् । ती सङ्क्रमितलाई अस्पताल भर्ना गरिएको छ ।

यसअघि इबोलाका सङ्क्रमित भर्ना गरिएको अस्पतालका नर्स नै विरामी परेको समाचार आएको थियो । ती नर्समा पनि इबोला सरेको पुष्टि सरकारी स्वास्थ्य अधिकारीहरुले गरेका छन् ।

चिकित्सकहरुले यसको सङ्क्रमण थप बढ्नसक्ने भन्दै विशेष सतर्कता अपनाउन स्पेनको सरकारसँग आग्रह गरिरहेका छन् । अस्पतालमा विरामी भर्ना गर्न पनि चिकित्सकहरु डराइरहेका छन् ।

स्पेनमा यसको भाइरस सङ्क्रमण भएको थाहा भएपछि युरोपियन युनियनले त्यसको बारेमा चासो व्यक्त गरेको छ । सो युनियनले उक्त सङ्क्रमण के कसरी युरोपमा आयो भन्ने बारेमा खोजी गर्ने भएको छ ।

स्पेनको म्याड्रिडमा रहेको ला पाज क्यारोल्स अस्पतालमा कामगर्ने एकजना नर्स सो सङ्क्रमणबाट सङ्क्रमित भएको खुलेको विभिन्न सञ्चारमाध्यमहरुले मङ्गलबार जनाएका छन् ।

अफ्रिका बाहिर युरोपमा यस इबोलाबाट सङ्क्रमित हुनेमा उनी नै पहिलो महिला भएको बताइएको छ । उनले दुई जना स्पेनी नागरिकको उपचारमा संलग्न रहेकी थिइन् ।

ती दुई पुरुषपनि पश्चिम अफ्रिकाबाट भर्खरै फर्किएका थिए र तिनलाई अस्पताल भर्ना गरिएको थियो । उनीहरुको उपचारमा संलग्न भएकै कारण ती नर्सपनि सङ्क्रमित भएकी थिइन् ।

तर ती नर्सलाई कसरी उक्त भाइरस स¥यो भन्ने विषयमा स्पेनिस सरकारले अनुसन्धान थालेको छ । उक्त अस्पतालमा अरुपनि ५२ जना स्वास्थ्यकर्मी रहेका छन् भने बाँकीलाई केही भएको छैन ।

युरोपियन युनियनले हालैका दिनमा महामारीका रुपमा देखिएको सो सङ्क्रमणको नियन्त्रणका लागि विशेष उपाय अपनाउने बताएको छ ।

तर स्पेनमा देखिएको यो पहिछल्लो सङ्क्रमणबाट पुरै युरोप नै त्रस्त बनेको विभिन्न समाचारमाध्यमहरुले जनाएका छन् ।

यो सङ्क्रमणबाट विशेषगरी पाँचवटा पश्चिमी अफ्रिकी मुलुक करिब तीन हजार ५०० व्यक्तिको ज्यान गइसकेको छ । यसबाट करिब ७ हजार व्यक्ति सङ्क्रमित भएका छन् ।

ती सबैको उपचार जारी रहेको छ । अमेरिकामा यसको उपचार पत्ता लागेको भएपनि त्यो सर्वसुलभ भने हुन सकिरहेको छैन ।

हंगामा भएपछि प्रिती जिन्टाले डिलिट गरिन् ट्वीट....

बलिउड अभिनेत्री प्रिती जिन्टा पुनः एक पटक विवादमा परेकी छिन् ।

केही समय अघि पुर्व प्रेमीलाई यौन दुर्व्यवहारको आरोप लगाएर विवादमा परेकी प्रिती पछिल्लो पटक ट्वीटर सन्देशका कारण विवादमा परेकी हुन् ।

प्रिती जिन्टाले मंगलबार एउटा ट्वीट लेखेकी थिइन् । राष्ट्रगान बजेको समयमा नउठ्ने केटालाई फिल्महलबाट बाहिर निकाल्ने भन्दै उनले लेखेको ट्वीट ज्यादै विवादित बन्यो । चारैतिरबाट आलोचना भएपछि प्रितीले ट्वीट डिलिट गरेकी छिन्