इलाममा डकैती गर्ने समूहका १ जना २ वटा पेस्तोलसहित पक्राउ

इलाममा डकैती गर्दै हिड्ने समूहका एक जनालाई प्रहरीले पक्राउ गरेको छ । ताप्लेजुङ थेचम्बु ५ का २५ वर्षीय सन्दीप लिम्बुलाई चौवारी इलामबाट पक्राउ गरिएको जिल्ला प्रमुख प्रमुख डिएसपी प्रकाश रानाभाटले जानकारी दिए ।

प्रहरी गस्ती टोलीले शंकास्पद लागेर चेक गर्ने क्रममा ३ जना भागेको र लिम्बुको साथमा रहेको झोलाबाट २ वटा पेस्तोल बरामद भएको उनले बताए । उनीहरु मानेभन्ज्याङमा लुटपाट गर्न हिँडेको उनले बताए । उनीहरु यसअघिका लुटपाटमा पनि संलग्न भएको रानाभाटले दाबी गरे ।

रातको समयमा अन्य ३ जना जंगलतर्फ भागेको र उनीहरुको पनि पहिचान भइसकेको उनले बताए । चाडबाडलाई ध्यानमा राखेर इलाम प्रहरीले विशेष सुरक्षा योजना लागू गरेको छ ।