यो कस्तो संयोग रुसका राष्ट्रपति र कुकुरको अनुहार मिलेपछि…

असोज २० गते - मानिसहरुको अनुहार मिलेको त धेरै नै सुनिन्छ । तर, मानिस र जनावरको अनुहार मिलेको घटनाझैं विरलै छन् । तर, रुसीका राष्ट्रपति भ्लादिमिर पुटिनसँग एउटा कुकुरको अनुहार मिलेको विषयले यतिबेला निकै चर्चा पाएको छ ।
युक्रेनको एउटा कुकुरको अनुहार रुसी राष्ट्रपति पुटिनसँग मिलेको हो । युक्रेनको कालो रङको जर्मन सेफर्ड प्रजातिको कुकुरको अनुहार पुटिनसँग मिल्दोजुल्दो पाइएको समाचार पहिलोपटक रुसी भाषाको एउटा वेबसाइटले ब्रेक गरेको थियो ।
पुटिन र कुकुर दुवैका आँखा र नाक तिखा छन् र निधार फराकिलो छ । कुकुर मालिक र कुकुरको नाम खुलाइएको छैन । सुरक्षालगायत कारणले कुकुर मालिकले आफ्नो पहिचान खुलाउन नचाहेको बताइएको छ ।
रुसले युक्रेनमाथि हमला गरेपछि युक्रेनी जनतामाझ पुटिनविरोधी मानसिकता बढिरहेका वेला पुटिनजस्तो कुकुर पत्ता लगेपछि पुटिनका विरोधीहरूले यही तस्बिरका आधारमा पुटिनको उपहास गर्न थालेका छन् ।
‘कुकुर पुटिनजस्तो भन्दा पनि पुटिन कुकुरजस्तो बढी देखिएका छन्,’ पुटिनविरोधी एउटा वेबसाइटले लेखेको छ ।