मुकेशसँग ‘याक्सिडेन्ट’ हुन तयार खुश्वु (फोटो video सहित)

नेपाली सिनेमामा नयाँ नयाँ कलाकारहरुको आगमन हुने क्रममा निर्माता सन्देश बराइलीले आफ्नो नयाँ प्रोजेक्ट ‘याक्सिडेन्ट’ मा एक नव कलाकारलाई भित्राउने भएका छन् । नायक मुकेश ढकालको साथमा यो चलचित्रमा पौडेलको मुख्य भूमिका रहने जानकारी निर्माणपक्षले दिएको छ यो चलचित्र मार्फत नव कलाकार खुश्बु पौडेलले सिने बजारमा आगमन गर्न लागेकी हुन् । चलचित्रको छायांकन शुक्रबारबाट सिन्धुलीमा सुरु हुँदैछ । चलचित्रको छायांकन काभ्रे, बर्दिबास लगायतका क्षेत्रमा गरेर निर्माणपक्ष काठमाण्डौ र्फकने जानकारी प्राप्त भएको छ । कृष्ण अनमोलको लेखन तथा निर्देशनमा तयार हुन लागेको यो सिनेमामा अभय चन्द, किरण थापा, रमेश घतानी लगायतका कलाकारलाई पनि देख्न सकिनेछ ।

चलचित्रमा वसन्त सापकोटाको संगीत, रोशन श्रेष्ठको द्वन्द्व, गणेश श्रेष्ठको छायांकन रहनेछ । चलचित्रमा सागर संगम लगानी गर्न लागेका हुन् । चलचित्रको बिषयबस्तु बारे निर्माणपक्षले अहिले नै मुख खोलेको छैन । नेपाली सिनेमामा नयाँ कलाकारहरुको आमगन भएतापनि उनीहरु छोटो समयमै हराएका उदाहरण प्रशस्त छन् । धेरै सिनेमामा अफर आएपनि ‘याक्सिडेन्ट’ को कथा मन परेर काम गर्न लागेको बताउने खुश्वुको यात्रा सिने नगरीमा कसरी अगाडी बढ्छ, त्यो हेर्न केही समय कुर्नु नै पर्दछ ।