भारतले मुखै फोर्यो ‘नेपालका नेता स्वार्थी’

 बीपीपछि भारत भ्रमणमा आएका नेपाली नेतामध्ये किसुनजी र अधिकारीले मात्र मुलुक र जनताको हतिमा अडान राख्दै सीधासीधा कुरा गरेको विदेश मन्त्रालयको आन्तरिक सर्कुलरमा उल्लेख छ । भारतीय विदेश मन्त्रालयले बीपी कोइरालापछि कृष्णप्रसाद भट्टराई र मनमोहन अधिकारीबाहेक नेपालका अरु कुनै नेताले आफ्नो देशको हितमा भारतसँग सीधा कुरा राख्न नसकेको दाबी गरेको छ ।
एकीकृत नेकपा माओवादी अध्यक्ष पुष्पकमल दाहालले शनिबारदेखि गर्ने भारत भ्रमणको तयारीमा जुटेको मन्त्रालयको आन्तरिक सर्कुलरमा उक्त कुरा रहेकेा जानकारी मन्त्रालयका एक बरिष्ठ अधिकारीले दिए । ती अधिकारीले भने, ‘नेपालका नेताहरुबारे विगत ३० वर्षको प्रतिवेदन तथा नोट हेर्दा बीपीपछि किसुनजी र अधिकारीले मात्र देश विकास र जनताको हतिमा अडान राख्दै कुरा गरेको पाइयो । अन्य सबै नेताले आफ्नै स्वार्थका विषयमा मात्र कुरा गरेकेा पाइयो । अन्य सबै नेताले आफ्नै स्वार्थका विषयमा मात्र कुरा गरेका रहेछन् । धेरै नै हल्ला भएको विषयबाहेक अरु कुरा कतै छैन । अन्यले अहिलेसम्म यस्तो सुनाउनलायक विषय प्रस्तुत गरेका अभिलेख पाइदैन ।’