युरोपस्तरीय नेपाली नृत्य प्रतियोगिता जर्मनीमा हुने

हाम्बर्ग । तीन वर्षदेखि बिभिन्न देशमा हुँदै आइरहेको युरोपस्तरीय एकल नेपाली नृत्य प्रतियोगिता यस बर्ष भने जर्मनीको हाम्बर्ग शहरमा हुने भएको छ।

अन्तर्राष्ट्रिय नेपाली कलाकार समाज जर्मनी शाखाले आयोजना गर्न लागेको वर्षको सर्वोत्कृष्ट नेपाली चलचित्र अवार्ड (सम्मान) कार्यक्रम तथा युरोपस्तरीय एकल नेपाली नृत्य प्रतियोगिता- २०१३ यही १४ अप्रिल २०१३ को दिन जर्मनीको हाम्बर्ग शहरस्थित हलमा एक भव्य समारोहवीच समुदघाटन हुने जनाईएको छ।

 जर्मनी र युरोपमा रहेका अन्य देशमा रहेका बिभिन्न संघसंस्थाहरु समेतको सौजन्य तथा हातेमालो रहने उक्त कार्यक्रममा युरोप भरिका देशहरुबाट कलाकार तथा जन सहभागीता रहने छ भने नेपालबाट पनि बरिष्ठ कलाकार पनि उपस्थित रहनु हुने अन्तराष्ट्रिय नेपाली कलाकार समाज जर्मनी शाखाका अधक्ष्य सन्तोष राज गुरुङले जानकारी दिनु भएको छ।