आफ्नै बैंक लुट्ने क्यासियर सहितका २ सार्वजनिक

काठमाडौं, पुस १० - बैक अफ काठमाडौंको तुल्सीपुर शाखामा भएको लुटपाटमा संलग्न रहेको भन्दै प्रहरीले बैककै क्यासिएर खगेन्द्र बस्नेत र कुमारी बैकका सवारी चालक अमर बोहोरालाई पक्रेको छ ।
प्रहरीले उनीहरुको साथबाट बरामद भएको ८६ लाख ७९ हजार रुपैया सहित पक्राउ परेका उनीहरुलाई मंगलवार सार्बजनिक गरेको छ ।
गत शुक्रबार बैकको तुल्सीपुर शाखाबाट २ करोड ६ लाख ३३ हजार ८ सय ४४ रुपैया लुटपाट भएको थियो । लुटपाटमा संलग्न अरु ३ जनाको खोजी भइरहेको प्रहरीले जनाएको छ ।