अब थाहा पाउनुहोस् आफ्नो श्रीमतीले तपाई भन्दा बाहेक अरु कोहिसंग यौन सम्पर्क गरेको छ कि छैन भनेर !

 म १९ वर्षीया युवती हुँ। मेरो एउटा केटा साथीसँग यौनसम्पर्क भएको छ। अहिले मेरो घरमा विवाहको कुरा चलिरहेको छ। के मसँग विवाह गर्ने केटाले मैले अरूसँग यौनसम्पर्क गरेकी छु भन्ने कुरा थाहा पाउँछ ?

केटा साथीसँगको यौनसम्पर्क

तपाईंले केटासाथीसँग यौनसम्पर्क भएको कुरा त गर्नुभएको छ, तर तपाईंका ती केटा साथीसँग कस्तो सम्बन्ध थियो भन्ने सन्दर्भमा भने कुनै कुरा उल्लेख छैन । सम्बन्ध कत्तिको गहिरो थियो वा त्यो सम्बन्ध कत्तिको प्रेममय थियो स्पष्ट हुनुपर्छ।किशोरावस्थामा यौनेच्छा तीव्र हुन्छ नै, त्यसैले यौनसम्पर्क राख्न पुगिन्छ । सहमतिमै भएका यौनसम्पर्कमा पनि समस्या हुन्छन्, त्यसैले जोसमा होस गुमाउनु हुँदैन । तपाईंलाई गर्भको भय भएको देखिँदैन, सम्भवतः तपाईंले गर्भनिरोधको उपाय अपनाउनुभएको हुनुपर्छ । यस्तो सम्बन्धमा यौनरोगको समस्या भोग्नुपर्ने स्थिति पनि उत्पन्न हुन सक्छ भन्ने त थाहै होला ।

यी कुनै कुरा नभएको स्थितिमा पनि सम्बन्धमा स्थायित्व नहुँदा वा त्यसले निरन्तरता नपाउँदा त्यसका आफ्नै समस्या हुन्छन् । यस्ता समस्या शारीरिक तथा मानसिक दुवै हुन सक्छन्। तपाईंको केटा साथीसँगको सबन्ध कत्तिको गहिरो वा प्रेममय थियो, त्यसले पनि प्रभाव पार्छ। क्षणिक आकर्षण र वास्तविक प्रेमबीच फरक छुट्टयाउनु आवश्यक हुन्छ। क्षणिक आकर्षणलाई नै प्रेम मान्दा खाडलमा परिने सम्भावना हुन्छ। किशोरावस्थामा आकर्षण पनि प्रेमसम्बन्ध नै हो जस्तो लाग्न सक्छ। यी दुवैमध्ये के हो राम्रोसँग विचार पुर्‍याउनुपर्छ। तपाईंले आफ्नो प्रेमीको उमेर त उल्लेख गर्नुभएको छैन। उमेर बढी हुँदै गएपछि त्यो क्षणिक आकर्षणमा मात्र सीमित हुने सम्भावना कम हुन्छ। किशोरावस्थामा रागरस -हार्मोन) हरूको प्रभावका कारण शारीरिक मात्र नभै विपरीत लिङ्गप्रति आकषिर्त हुनु वा आकषिर्त गर्न खोज्नु, यौन भावनाको विकास हुनु, विपरीत लिङ्गी नजिक बस्ने वा स्पर्श गर्न चाहनेजस्ता भावनात्मक -मानसिक) परिवर्तनहरू हुन्छन्। यो शारीरिक विकाससम्बन्धी प्राकृतिक कुरा मात्र होइन, मानवको वंशजको निरन्तरताका लागि यो आवश्यक पनि छ। किशोरावस्थामा विपरीत लिङ्गीप्रति हुने आकर्षण जैविक स्थिति हो र यस्तो आकर्षण बारम्बार पैदा हुन्छ। कतिपयले किशोरावस्थामा हुने यस्तो आकर्षण वा मोह लाई नै वास्तविक प्रेम मान्छन्। प्रेम तथा आकर्षणको बीचमा भएका भिन्नता छुट्टयाउन सक्नुपर्छ। प्रेम वास्तवमा विस्तारै हुने प्रक्रिया हो। दुई व्यक्ति साथसाथै हुर्कंदा यो विकसित हुन्छ र यसमा सम्पूर्ण व्यक्तित्व नै संलग्न हुन्छ। प्रेममा अर्को व्यक्तिको भावना तथा शरीर दुवैलाई कदर गरिन्छ र उक्त व्यक्तिलाई खुसी राख्न प्रयत्न गरिन्छ।

समस्या के हो त ?

तपाईंमा विवाह भएपछि भावी श्रीमान्लाई तपाईंको अहिलेको यौनसम्पर्कका बारेमा थाहा होला कि नहोला भन्ने चिन्ता छ भन्ने बुझिन्छ, तर एकपल्ट फरक दृष्टिकोणबाट पनि तपाईंको यो समस्यालाई हेरौं।

तपाईंले राख्नुभएको सम्बन्धका लागि एक हदसम्मको अन्तरङ्गता चाहिन्छ नै। केटासाथीसँग प्रेम सम्बन्ध थियो भने त्यसलाई किन निरन्तरता दिन चाहनुहुन्न भन्ने कुरा पत्रमा स्पष्ट छैन। तपाईंको केटासाथीसँग प्रेम सम्बन्ध छ भने उसैसँग विवाह गर्न किन नसक्ने ? कुरा अलि बुझ्न नसकिने छ। अहिले कसैले मन दुखाउला भनेर आफ्नो जिन्दगीभरिको कुरामा सजिलै सम्झौता गर्नु मनासिव नहुन सक्छ।

परिवारमा विवाहको कुरा चल्नासाथ तपाईंले एक किसिमले नयाँ सम्बन्धलाई स्वीकार गरेको पाइन्छ। तपाईं यौनसम्पर्क नै भएको स्थितिमा पनि केटासँगको सम्बन्धमा समर्पित हुनु हुन्न भने कुरा अर्कै भयो। तपाईं उसबाट छुट्कारा पाउन चाहनुहुन्छ भने त्यसका पनि आफ्नै कारण होलान्, तर तपाई यस्ता कुरा पनि स्पष्ट हुनु आवश्यक छ।

के विवाहपूर्व यौनसम्पर्क राखेको थाहा पाउलान् ?

पहिलेको प्रेम तथा यौनसम्बन्धका बारेमा चर्चा गरिएन भने तपाईं यस्तो अवस्थाबाट गुज्रनुभएको होला भनेर थाहा पाउन सजिलो छैन। पुरुषलाई महिला यौनअङ्गको बनावटका सम्बन्धमा सामान्य जानकारी हुने भए पनि तपाईंको योनिको बनावट वा स्वरुरूप यस्तै थियो भन्ने कुरा थाहा हुँदैन भने यौनसम्पर्क राखेको कुरा थाहा पाउन त झन् गाह्रो कुरा हो। हुन त आफूले विवाह गर्न लागेकी दुलही कुमारी हो कि होइन भन्ने चासो धेरै पुरुषलाई भए पनि पक्का हुन सजिलो छैन। कुमारित्वमा योनिच्छद भएको वा नभएको कुरालाई नै मुख्य आधार बनाइएको पाइन्छ, तर वैज्ञानिक तवरले हेर्ने हो भने त्यसलाई बलियो आधार मान्न सकिँदैन। किनभने कुनै-कुनै युवतीमा योनिच्छद जन्मजात नै नहुन सक्छ वा त्यसको राम्रोसँग विकास नभएको हुनसक्छ। कतिपय युवतीको प्रथम यौनसम्पर्क हुनुभन्दा पहिले नै शारीरिक क्रियाकलापका दौरानमा योनिच्छद च्यातिन सक्छ। कतिपय महिलाको योनिच्छद निकै लचिलो र तन्कन सक्ने खालको हुन्छ। यस्तो स्थितिमा कतिपय महिलाको झिल्ली यौनसम्पर्क राखिसकेपछि पनि नच्यातिएको हुनसक्छ। यस्तो स्थितिमा कौमार्य भङ्ग भएको भए पनि योनिच्छद नच्यातिएको शारीरिक प्रमाणलाई आधार मान्दा कुरा निकै फरक पर्छ। देहव्यापारको क्षेत्रमा एकपल्ट पनि यौनसम्पर्क नराखेकी युवतीसँग पहिलो यौनसम्पर्क राख्न बढी रकम तिर्न तयार हुने पुरुषहरू प्रशस्तै पाइन्छन्, त्यसैले उनीहरूलाई त्यसको अभिनय गर्न सिकाइन्छ भने अर्कातिर भिक्टोरियन कालमा बेलायतमा योनिच्छद च्यातिएको भान पार्न जुका प्रयोग गरिएको उदाहरणसम्म फेला परेको छ। यसको निचोड के हो भने अन्य कुनै तरिकावाट सूचना नपाएको स्थितिमा सामान्यतः कुनै पनि पुरुषले महिलाले पहिले नै यौनसम्पर्क राखे-नराखेको कुरा थाहा पाउन सक्दैन। त्यसैले यौनसम्पर्क राखेको कुरा थाहा पाउला भनेर विवाह नै गर्नु हुँदैन भन्ने छैन

सलमानले खाए पूर्व प्रेमिकाको झापड....!!!

बलिउडका सुपरस्टार सलमान खानलाई उनकी एक प्रेमिकाले झापड हानेको खुलासा सलमान आफैले गरेका छन् । उनकी पूर्व प्रेमिका संगीता बिजलानीले सलमानलाई झापड हानेको थुप्रै वर्षपछि यो कुरा सार्वजनिकरुपमा स्वीकार गरेका हुन् ।

सलमानले आफू र संगीताबीच निक्कै झगडा भएको र संगीताले आफूलाई झापड हानेको बताएका छन् । खासमा बिगबोस सिजन ८ को एक एपिसोडमा सलमानले आफूले पनि जीवनमा झापड खाएको खुलासा गरेका हुन् ।

त्यहाँ झगडा गरिरहने प्रतियोगीहरुलाई सम्झाउने क्रममा सलमानले जीवनमा झापड खानु कुनै ठूलो कुरा नभएको र आफूले पनि खाएको बताएका हुन् ।

यद्यपछि पछि भने सलमानले संगीताले आफूलाई जानीजानी नहानेको र भुलबस लागेको भन्दै आफ्नै मजाक गरे ।

संगीता विजलानी सलमानका पूर्व प्रेमिका मध्ये धेरै चर्चित मध्ये पर्छिन् । उनीहरुको विवाह हुने भन्दै कार्ड समेत छापिएपछि उनीहरुको सम्बन्ध टुटेको थियो ।

तन्त्रमन्त्र गरेर व्यापारीको घरबाट २९ लाख लुटियो

 धनगढी : धनगढीका चर्चित व्यवसायी गोपाल हमालको घरबाट तन्त्रमन्त्र गरेर ५१ तोला सुन लुटिएको छ । तथा नेपाल उद्योग वाणिज्य महासंघका केन्द्रीय सदस्यसमेत रहेका हमालको धनगढी–४ स्थित घरबाट तन्त्रमन्त्र गर्नेले सुन लुटेका हुन ।

गत मंसिर २६ मा पोको पारेर राखिएको लकर लगाएको सबै गहना ५ दिनपछि खोलेर हेर्दा ढुंगा भेटिएपछि हराएको खुलासा भएको हो ।

हमाल घरमा नभएका बेला मनकामनाबाट आएको बताउने दुुई तान्त्रिक महिलाले उनकी पत्नी शारदा हमाललाई घरमा मसान लागेको भन्दै तन्त्रमन्त्र गरेर गहना चोरेका हुन । ती महिलाले १० तोलाको रानीहार सेट, सिक्री, हिराको सेट, चुरा, झुम्का, टप, औंठी, लकेट, हिराको औंठी र मोती सेटसहित ५१ तोला गहना लगेका हुन् ।

जिल्ला प्रहरी कार्यालयका अनुसार करिब २९ लाख रुपैयाँको गहना चोरी भएको छ । हमालले गहना चोरिएको थाहा भएपछि जिल्ला प्रहरी कार्यालय कैलालीमा उजुरी दर्ता गराएका छन् । प्रहरीले पनि तान्त्रिकहरुले मोबाइल फोन प्रयोग गरेकाले खोजीमा सहज हुने प्रतिक्रिया दिएको छ ।

केही महिनायता सुदूरपश्चिमका कैलाली र कञ्चनपुर यस्ता घटना भईरहेका छन् । तर अहिलेसम्म प्रहरीमा उजुरी परेको थिएन । तन्त्रमन्त्रमा विश्वास गरी लुटिएको उजुरी गर्दा इज्जत जाने डरले उजुरी नदिएको प्रहरीको भनाइ छ ।

यसो भन्छिन् शारदा हमाल

मंसिर २५ गते दिउँसोको समय थियो । छोरी आरती र म घरमा थियौं । छोरीको टाउको दुखेकाले उ सुतेकी थिई । आरती जहिले पनि केही न केही विरामी भई राख्ने । मैले त्यसका लागि धेरै जोखाना हेराउने गरिसकेकी थिएँ । औषधी त कति हो कति ? तर अनेक गर्दा पनि निको भईरहेको थिएन ।

मेरो घर पर्खालले घेरिएको । २५ गते दिउँसो गेटमा दुई महिला आएको देखेपछि को आएछन भनेर हेर्न गेटमा गएँ । दुबैजनाले धनगढीको नैनादेबी मन्दिरमा हुने सन्तोषी माताको पूजाका लागि चन्दा संकलनमा आएको बताए ।

सन्तोषी माताको चन्दाका लागि मैले केही रकम दिएँ । रकम दिन गेटमा गएका बेला, एक जनाले तपाइँको घरमा त मसान लागेको रहेछ । घरमा अशान्ति हुन्छ होला, तपाइँको छोरी विरामी भईराख्छिन् होला भने । ब्यापार ब्यवसायमा पनि राम्रो प्रगति भइरहेको छैन । धन आएपनि स्वाट्टै खर्च भईहाल्छ होला ...के के भने ।

हुन पनि अमेरिकामा करोडौं खर्च गरेर ब्यवस्थापनमा स्नातक गरेर फर्केकी छोरी आरतीलाई केही बिसन्चो भइरहन्थ्यो । मलाई पनि यी माताले त धेरै कुरा फटाफट भनिन भन्ने लाग्यो । तपाइँको घरमा पुजा गर्यो भने मसान ठीक भईहाल्छ भनी । विश्वास न हो मैले, छोरीको स्वास्थ्यका लागि पूजा गरिदिन आग्रह गरे ।

एउटीले आज पूजा त हुदैन भनी । एकजना पातली २७÷२८ वर्षकी थिइ । कुर्ता सलवार लगाएर सल ओढेकी थिइ । अर्की अलि मोटो ३२÷३४ वर्षकी । पातलीले आफू माता भएको बताई । धनगढीकै नैनादेबी मन्दिरमा बसिरहेकाले मंसिर २६ गते विहान आउने भने ।

मैले पनि आउन आग्रह गरेँ । उनीहरुले एनसेलको फोन पनि दिए । हामीलाई केही सामान जुटाउन भनिएको थियो । तर उनीहरुले दिएको लिष्टको समान बजारमा कहीँ पनि पाइएन । छोरीले फोन गरेर सामान नपाएको बताएपछि उनले केही सामान आफुहरुसँग रहेको तर अर्काका लागि तयारी गरेको बताए । तर उनीहरुले केही खर्च लाग्ने र त्यो सामान दिने भने ।

तर छोरी र मलाई यो कुरा पतिसहित कुनै पनि पुरुषलाई नबताउन भनेकाले हामीले घरमा सल्लाह पनि गरेनौं । मसानको पूजा गोप्यरुपमा गर्नुपर्छ भनँे । हामीलाई पनि ठिकै होला जस्तो लाग्यो र, घरका पुरुषलाई जानकारी गराइएन ।

मंसिर २६ गते विहान १० बजेतिर दुबै आए । पूजा सामाग्रीको साढे ११ हजार रकम लाग्ने बताए । हामीसँग रकम थिएन । आरतीले साथीलाई साढे ११ हजार रकम तुरुन्त चाहियो भनेर मगाई । ऊ फटाफट रकम लिएर आयो । तर ती तान्त्रिकले उसलाई पनि आँगनमा खुट्टा हाल्न नदिन भनेपछि उसले ल्याएको पैसा पनि छोरीले गेट बाहिरै गएर ल्याएर आई । अनी घरका सबै गहनामा मसान लागेकाले तिनलाई फुकालेर एकै ठाँउमा राख्ने भनेका थिए ।

मेरो घरभन्दा टाढा बस्नुभएकी सासुकहाँ धेरै गहना राखेको थिएँ । गहना सबै फुकाउन पर्छ भनेकाले २५ गते राति नै मगाएर राखेको थिएँ । २६ गते पूजा सुरु भयो । त्यसपछि चामल र गहनाको पोको पार्न लगाईयो । गहनामा उनेका पोतेहरु सबै चुडाल्न लगाए । गहनामा लगाइएको पोते भए मसान नभाग्ने बताएपछि सबै गहना पोतेविहीन पा¥यौं ।

पाँचवटा रुमालमा झण्डै एक÷किलोका दरले चामल हाल्दै पोको पार्न लगाए । मैले पनि भनँे अनुसार गरेँ । मैले खुट्टामा लगाएको सुनको विच्छुसमेत खोलेर गहना भएकै स्थानमा राखेँ । छोरीले लगाएको सिक्री, हिरा जडित हारहरु, सुनका चुरा, मंगलसुत्र सबै एकै ठाउँमा पोको पारी चामलमा राख्यौं । हामीलाई त्यो सबै गहना हाम्रै लकरमा राख्ने भनेपछि हामी ढुक्क थियौं ।

गहना र चामलको गाँठो पार्न भनियो । मैलै गाँठो पारे । गाँठो खुब कस्न भनेपछि मैले अह्राए झैं गरिराखेँ । अनी घरको चारै कुनामा पानी छर्कन लगाए । पूजाको विधि न हो, के के गरे के के । केही खाने कुरा पनि दिएका थिए ।

अनि पूजाकोठामा रहेको लकरमा गहनासहितको पोको राख्न लगाए । मैले पनि लकरमा राखँे । बाहिरबाट मैले चाबी लगाएँ । त्यसपछि थप साढे ७ हजार दक्षिणाको रकम दिएँ । उनीहरुले पाँच दिनसम्म कसैलाई बताउन नभनेकाले मैले पुजा गरिरहेको बेला घरमै रहेको छोरालाई समेत जानकारी दिइन । छोरो र छोरीका लागि बनाइदिएको जन्तर मात्रै बाँधे ।

पाँचौ दिन अर्थात पुस १ गते छोरी आरतीलाई नैनादेबी मन्दिरमा बोलाइएको थियो । त्यहाँ पुजा हुन्छ भनिएको थियो । मेरो एक जोर गुलाबी रङको १६ हजारको साडीलाई पनि फुकफाक गरिदिने भन्दै लगेकी थिई । पुष १ गते नै त्यो साडी नैनादेबी मन्दिरमै फिर्ता दिने भनेका थिए ।

छोरी आरती विहानै नुहाएर नैनादेबी मन्दिर पुगी । त्यहाँ कुनै पुजा थिएन । त्यहाँका पूजारीलाई मनकामना माताबारे सोधेपछि, नानी तिमी पनि ठगियौ । यहाँ त धेरै मान्छे आईसके यस्तै सोध्दै, यहाँ कोही पनि मनकामना माता बस्दैन ।

उनीहरुले ठगेको भनेर प्रहरीको दुईजना श्रमती पनि आएको पुजारीले बताएछन् । त्यसपछि छोरीले मलाई मन्दिरबाटै फोन गरी । मलाई लकर खोलेर हेर्न भनी । लकर खोलेको त गहनाको पोको भएको स्थानमा झण्डै ६ सय ग्रामको गोलो ढुंगा भेटियो । तर मैले चामल बाँधेको कपडाहरु मेरै घरको थियो । चामल पनि मैले खाने नै थियो तर गहना थिएनन् । त्यसपछि म छाँगाबाट खसेझै भएकी छु ।

विपासाको हट गीतले तोड्यो रेकर्ड (भिडियो सहित)

एजेन्सी ।

यसै पनि हट अभिनेत्रीको छवि बनाएकी बलिउड अभिनेत्री बिपाशा बसुको पछिल्लो चलचित्र 'अलोन' ले रिलिज नहुँदै चर्चा बटुलेको छ । यसको एक गीतले बलिउडका रेकर्डहरु तोडिरहेको भारतीय सञ्चार माध्यमले जनाएका छन् ।

bipasa song

विपाशाको पछिल्लो गीतमा उनको साँच्चिकै उत्तेजक अभिनय छ । जंगलमा खिचिएको यो गीतमा उत्तेजक सिनहरु समावेश गरिएको छ ।

बिपाशा बसु र करनसिंह ग्रोवर अभिनित यो गीतमा विपाशा अहिले सम्मकै बोल्ड अवतारमा देखिन्छिन् ।

अपलोड भएको २४ घण्टामा सबै भन्दा बढी हेरिने गीत बनिसकेको छ विपासाको गीत । यो एक दिनमा सबै भन्दा बढी हेरिएको बलिउड गीत बनेको भारतीय सञ्चार माध्यमले जनाएका छन् ।

होमवर्क नगरि स्कुल जाँदा बालकले सजायमा पाए मृत्यु

 नयाँ दिल्ली – विद्यालयमा होमवर्क नगरी जाँदा पाइने सजाय के होला ? विद्यार्थीहरुलाई कुखुरा बनाउनु, कक्षाकोठाबाट बाहिर निकाल्नु अथवा कान समातेर उठबस गराउनु सामान्य कुरा हो । तर कुनै शिक्षकले विद्यार्थीले होमवर्क नगर्दा सजायँमा ज्यान नै लिने कुरा त कसैले सोच्नै सक्दैनँ । तर कसैले नसोचेको यो कुरा यसपटक सम्भव भएको छ । भारतको बरेलीमा अवस्थित एउटा विद्यालयको घटनाले पूरै शिक्षा जगतमा हलचल मच्चाएको छ ।
जानकारीका अनुसार एक बालकले होमवर्क नगर्दा डीएसआर ग्रुप अफ स्कुलका एक शिक्षकले यसरी पिटे कि उक्त बालकको उपचारको क्रममा मृत्यु भएको छ । पुलिसले आरोपित शिक्षकको नाम भने सार्वजनिक गरेको छैन । पोष्टमर्टम रिपोर्ट आइसकेपछि ती शिक्षकविरुद्ध कारवाही सुरु गरिने पुलिसले जानकारी दिएको छ ।
शिक्षकले बालकलाई थप्पड हान्दा ती बालकको टाउको भित्तामा ठोक्किँदा बालकको मृत्यु भएको बालकका परिवारका सदस्यले आरोप लगाएका छन् । पुलिसमा मुद्दा दर्ता हुन नपाउँदै आरोपित शिक्षक फरार रहेको बताइएको छ । आक्रोसित परिवारका सदस्य र स्थानीयले स्कूल तोडफोड गरेका छन् । (एजेन्सी) - See more at: http://www.ratopati.com/2014/12/17/190987.html#sthash.ElGWMlyJ.BpYctTHS.dpuf

काबुलमा भयो ब्रुस लीको पुर्नजन्म

 झट्ट हेर्दा उनी मार्सल आटर्सका चर्चित ब्रुस लि जस्तै देखिन्छन् । अबुलफाजी अब्बास शाकुरीको ब्रुसलीसँगको समानता यतिमा मात्र सिमित छैन, उनी लगभग ब्रुस लि जस्तै मार्सल आर्टसका कलाहरु पनि बढो सटिक ढंगले प्रस्तुत गर्न सक्छन् । शाकुरी यतिबेला इन्टेरनेटमा सेलिब्रेटी जस्तै बनेका छन् । समाजिक सञ्जालमा आफ्नो स्टन्टहरु राखेपछि त्यसलाई हेर्ने र फलो गर्ने अहिले हजारौंको संख्यामा मानिसहरु रहेका छन् ।

२० वर्षीय अफगानिस्तानको काबुलका यी वासिन्दाले आफूलाई ‘ब्रुस हजारा’ भनेर चिनाउँछन् । उनी सानै उमेरदेखि विभिन्न प्रकारका मार्सल आर्टसहरु सिक्दै आइरहेका छन् । जहिले पनि ब्रुस लिलाई आफ्नो हिरो मान्दै आएका उनले ब्रुस लीका ‘मुभ्स’ हरुलाई सिक्नुनै आफ्नो एक मात्र सपना रहेको बताउँछन् ।

यो सपना पूरा गर्न शाकुरीले अहिले उसु पनि सिक्न थालेका छन् । भाग्यको साथ पनि छ उनलाई, त्यही भएर उनको अनुहार चीनका चर्चित अभिनेतासँग मिल्छ । अझ ब्रुस लीले जस्तै कपाल काटेपछि त उनी नक्कली हुन् भनेर छुट्याउनै गाह्रो हुन्छ । उनी पहिरन पनि ब्रुस लीले जस्तै लगाउँछन् र हरेक हाउभाउ पनि नक्कल गर्छन् ।

ब्रुस लि जस्तै मार्सल आर्टस सिक्न त्यति सजिलो भने थिएन । यसका लागि उनले वर्षौं प्रशिक्षण गरेका छन् । ब्रुस लीको बारेमा हरेक कुरा जान्न उनी ब्रुस लीबारे हरेक चलचित्र र किताबहरु पढ्छन् । यही मिहिनेतको फलले गर्दा आज उनलाई धेरैले ब्रुस लीको अर्को अवतार भनेर भनने गरेका छन् ।

हालै काबुलमा गरिएको वुसु प्रतियोगितामा उनी आफ्नो समूहमा सबैभन्दा उत्कृष्ट ठहर भएका थिए । ‘म खेलाडी बन्न चाहन्छु र अफगानिस्तानको लागि च्याम्पियन बन्न चाहन्छु,’ उनी भन्छन् ।

Top 10 Free college funding among form relating to Worldwide Pupils

Email This BlogThis! Share to Twitter Share to Facebook

Questionnaire Accolades Free faculty funding, earlier remarked as questionnaire Growth Free faculty funding (ADS) square measure scholarships or grants relating to worldwide pupils United Nations agency would really like to review within Foreign instructional establishments. Foreign Growth Free faculty funding square measure out there for vocational training and education, undergraduate faculty diplomas, postgraduate faculty diplomas, and Ph.D. faculty diplomas from engaging Foreign faculties and specialised and any data (TAFE) institutions. This grant positive aspects usually contain: entire tuition fees, come traveling by plane, institution allocation, facet of the cut price to bills (CLE), Overseas Student eudaemonia Handle (OSHC), and so forth.

See to boot Endeavour executive Fellowships
Worldwide Postgraduate analysis Free faculty funding (IPRS)
This IPRS arrange permits worldwide pupils to undertake a brand new postgraduate investigation coaching course within form and gain sensible data along side leading Foreign analysts. This scholarships or grants square measure available for a happening of a handful of years for a professionals just by investigation degree or thirty six months for a doctorate just by investigation degree. This grant handles tuition fees and health and fitness handle fees.

See to boot form Accolades Fellowships

Endeavour Postgraduate Scholarship grant Accolades
This Endeavour Postgraduate Accolades gift entire monetary help regarding worldwide pupils relating to 2 to a few. five years to undertake a brand new postgraduate training course at a professionals or Ph.D. level generally just by work or investigation in a field of review among form. This scholarships or grants contain tuition fees, vacation allocation ($AUD three, 000), institution allocation ($AUD many, 000), month-to-month stipend ($AUD three, 000; up to optimum program length employing a pro-rata basis). insurance and travel insurance are provided.