गाइलाई लँगौटी लगाइदिएर किसानले गरे आन्दोलन

हामीकहाँ गाइ तथा भैँसीपालक किसानहरुले सडकमा दुध पोखेर आन्दोलन गर्ने गरेको सुनेका तथा देखेका छौँ । तर के तपाइँले गाइलाई लँगौटी लगाइदिएर किसानले आन्दोलन गरेको देखेको/सुन्नुभएको छ ? सायद छैन होला ।
जर्मनीका किसानले गाइलाई लँगौटी लगाइदिएर सरकार विरुद्ध आन्दोलन गरेका छन् । सरकारले ल्याएको कृषि मल नियमन गर्ने कानून विरुद्ध किसानले यस्तो अनौठो आन्दोलन गरेका हुन् ।
युरोपेली युनियनले ल्याएको नियम विरुद्ध गरेको उक्त विरोध प्रदर्शनमा एक जर्मन किसाले आफ्ना दुइ गाइको पछाडि पट्टि बडेमाका डाइपर लगाइदिएका थिए ।
मलमा पाइने नाइट्रेट तत्वका कारण जल प्रदुषण बढेको भन्दै युरोपेली युनियनले युनियन सम्बद्ध देशका लागि नियमनकारी कानून ल्याएको हो । जसका अनुसार माटोमा मलको ग्रेडियन्ट १५ भन्दा बढि हुनु हुँदैन । अर्थात् किसानहरुले आफ्नो कृषि भूमिमा बढि मल प्रयोग गर्न पाउनेछैनन् ।
यस्तो नियमले आफुहरुलाई कृषि उत्पादन बढाउन अवरोध पूराउने तथा भिरालो पाखाहरुमा खेतीपातीमा समेत रोक लगाउने भन्दै किसानहरुले चिन्ता व्यक्त गरेका छन् । सरकारले किसानलाई मल प्रयोगमा रोक लगाउने नियम ल्याएको विरोध स्वरुप किसानले गाइलाई डाइपर नै लगाइदिए । सरकारको नियमको खिल्ली उडाउँदै उनले गाइको मल जमिनमा र्झन नदिनका लागि गाइलाई डाइपर लगाइदिएको बताएका छन् ।
युरोपेली आयोगका प्रवक्ता स्टेफन सल्जले भने गाइवस्तुको चरिचरन नरोकिनेे स्पष्ट पारेको छ । ‘हाम्रो चासो गाइप्रति होइन किसानले गर्ने अत्यधिक मलखादको प्रयोग हो’ उनले भनेका छन् ।

विश्वमा ६ सय जनालाई मात्र लाग्ने रोग लागेकी १४ वर्षीया किशोरी, जसको सरीर ढुंगा बन्दै गएकेा छ

 विश्वमा जम्मा ६ सय जना मानिसमा मात्र यस्तो रोग छ । यो रोगलाई ‘ढुंगे मानिस लक्षण’ अर्थात् स्टोन म्यान सिन्ड्रोम भनिन्छ । चीनकी एक १४ वर्षीया किशोरी यहीँ दुर्लभ रोगको सिकार बनेकी छिन् र उनको सरीर क्रमशः ढुंगोजस्तै  बन्दै गएको छ ।
फाइब्रोप्लासिया ओसिफिक्यान्स प्रोग्रेसिफा भनिने उक्त रोगको शिकार बनेकी किशोरीको नाम हो नी मिन । उनको सरीरका मांशपेशीहरु विस्तारै हड्डी बन्दै गएका छन् । यो रोगको उपचार छैन र छातिको हड्डी चेँपिँदै गएपछि स्वास फेर्न नसकेर मानिसको अन्ततः मृत्यु हुन्छ ।
नी केा सरीर सुक्दै गएपछि र विभिन्न ठाउँमा अनौठा कडा थुप्रा देखिन थालेपछि उनले सांघाइको तोंगजी अस्पतालमा देखाएकी थिइन् । तर डाक्टरहरुले त्यो रोगको यकिन उपचार नभएपछि औषधिको प्रयोग गरी यसको असर कम गर्न सकिने बताएपछि  उनी र उनका परिवारमा केही आशा पलाएको छ ।
अहिले उनको अवस्था धेरै गम्भीर नरहेको र ६ महिनाका लागि परीक्षणका रुपमा उनलाई औषधि सिफारिस गरिएको डाक्टरको भनाइ छ । ६ महिनाको परीक्षणपछि उनलाई थप चिकित्सकीय पद्धतिबाट उपचार गरिनेछ ।

३ करोड प्रयोगकर्ता भएको ‘सेक्सी एप’माथि प्रतिबन्ध

आफ्नो एपलाई चर्चित बनाउनका लागि यौनसम्बन्धि अश्लील, अनैतिक तथा गलत समाचार दिने गरेको अभियोगमा चीनको एक चर्चित स्मार्टफोन एपमाथि प्रतिबन्ध लागेको छ ।

 चीनको सांघाइमा रहेको कम्पनीले विकाश गरेको युजिया एपले युवायुवतीमा अश्लीलता फैलाएको र गलत खालका कामुक समाचार दिएको भन्दै सांघाइको स्टेट इन्टरनेट सूचना कार्यालयले उक्त एपलाई चीनभर बिक्रि गर्न नपाउने गरी प्रतिबन्ध लगाएको छ ।

युवायुवतीलाई भेटघाट गर्नका लागि सजिलो बनाउने दाबी गरिएको उक्त एपमा विभिन्न खाले यौनिक तथा कामूक समाचारहरु दिने गरिएको थियो । जसमध्ये ‘भ्रमणका लागि सरीर’ शीर्षको एक समाचारमा एकजना युवतीले आफ्नो यौनिकताकै उपयोग गरी अस्थायी ब्वायप|mेण्ड बनाएर सित्तैमा देश भ्रमण गरेको उल्लेख गरिएको थियो । ती युवतीले युजिया एपमार्फत नै ती अस्थायी प्रेमी भेटेको दाबी गरिएको थियो ।

त्यस्तै २१ वर्षे युवक र १९ वर्षकी युवतीले आपतकालीन उद्धार पर्खिरहेको बेला सोही एपमार्फत भेटघाट भई यौन सम्बन्ध कायम गरेको स्टोरी समेत प्रकाशित गरिएको थियो ।

यी दुबै समाचार इन्टरनेटमा खुबै चर्चित बनेका थिए र चिनिया पत्रपत्रिकाले पनि प्रमुखताका साथ प्रकाशित गरेका थिए ।
त्यसपछि इन्टरनेट सम्बन्धि नियामक निकाय स्टेट इन्टरनेट सूचना कार्यालयको ध्यानाकर्षण भएको थियो । कार्यालयले उक्त एपलाई चर्चित बनाउनका लागि कम्पनीले गलत तथा अनैतिक खालका सामाग्री प्रकाशित गरेको र प्रबर्धनको सीमा नाघेको ठहर गरेको छ ।

एप निर्माता कम्पनीले गल्ती स्विकार गरी यो विषयलाई टुंगोमा पूराउने प्रतिबद्धता जनाएको छ ।
स्मरण रहोस् युजिया एपका ३ करोड प्रयोगकर्ता छन् । जसमध्ये अधिकांस १५ देखि २५ वर्ष उमेरका रहेका छन् ।

यो एपको वेबसाइटमा सेक्स तथा सम्बन्धका बारेमा टिप्स दिइएको छ । त्यस्ता टिप्समध्ये युवकहरुले युवतीलाई कसरी पट्याउने भन्ने ३ चरणको मार्गदर्शन समेत समावेश रहेका सांघाइ डेलीले जनाएको छ ।

घुर्ने बानी हुनेहरुले यसो गर्नुस् !

यदि तपाइँ सुत्दा घुर्ने वानी छ वा तपाइँसँग सुत्ने कोही घुर्छ भने तनाव हुन सक्छ । सँगै सुत्ने ब्यक्ति घुर्दा समस्या नै हुन्छ कहिले काँहि ।

अव भने यो समस्याबाट मुक्ति मिल्ने भएको छ । बैज्ञानिकहरुले घुर्ने ब्यक्तिहरुलाई लक्षित गरेर एउटा मास्क बनाएका छन् । यस्तो मास्क लगाउँदा घरेको सुनिँदैन र निद्रा पानि राम्रो लाग्छ ।

यस अघि पनि यस्तो मास्क नआएको होइन तर यो भारी र असुविधाजनक थियो । अव भने बैज्ञानिकहरुले सहजरुपमा लगाउन सकिने र सानो आकारको मास्क ल्याएका छन् ।

बैज्ञानिकहरुले पछिल्लो पटक ल्याएको मास्कलाई सिपीएपी नाम दिएका छन् ।
बेलायतको एनएचएस ट्रस्टको अस्पताल ब्र्याडफोर्ड टीचिङ हस्पिटलका कन्सल्टेन्ट एनिस्थीटिस्ट डा. डेविड डसनका अनुसार सबैको अनुहारको बनावट एकनासको नहुने कुरालाई मध्यनजर गर्द नयाँ मास्क विकाश गरिएको हो ।

यो मास्कले नाकमा सिलबन्दी हुन्छ र घुरेको आवाज बाहिर जाँदैन तर यसमा रहेको विशेष बनावटले अक्सिजन भने प्रयाप्तमात्रामा भित्र पठाउँछ ।

मोबाइल चलाउन नछाडेपछि केसम्म गरिन् यी प्रेमिकाले

पछिल्लो समय मानिसमा मोबाइलको लत बढ्दै गएको छ । मोबाइल बिना बाँच्न अहिले धेरैका लागि निकै गाह्रो भैसक्यो । कोही कोही त घण्टौंसम्म मोबाइलमा नै झुण्डिरहेका हुन्छन् । आफ्नो प्रेमीको यस्तै बानीका कारण चीनमा एक प्रेमिकाले निकै दुःख सहनुपरेको छ ।अति भए पछि उनले जे गरिन् त्यो भने हेर्न लायकको थियो ।

बेइजिङमा ट्रेनमा यात्रा गरिरहेका एक जोडीमध्ये प्रेमीले मोबाइल फोनबाट मेसेज पठाउन नछाडेपछि तीनलाई तान्दै भीडभाड रहेका ट्रेनबाट तान्दै घसिटेकी छिन् । आफूलाई ध्यान नदिएर फोनमा झुण्डिएर बसेपछि क्रुद बनेकी ती प्रेमिकाले यस्तो हर्कत गरेकी हुन् ।

रुँदै आफूलाई ट्रेनबाट बाहिर तान्दा समेत ती प्रेमीले भने आफ्नो फोन भने छाडेनन् ।
प्रत्यक्षदर्शीका अनुसार ती प्रमिकाले उनलाई रुँदै फोन छोड्न भनिरहेकी थिइन् ।

बैंककक मा एक महिलाले आत्महत्या गर्नका लागि सयौँ गोहीको बिचमा हाम फालिन् -

(एजेन्सी)- आफ्नो जिन्दगीबाट हार खाइसकेका व्यक्तिहरुले आफ्नो जिन्दगी बर्बाद गर्नका लागि थुप्रै तरिका अपनाउने गर्दछन् । फाँसी लगाएर आफ्नो जिवनको अन्त्य गरेको, हातको नशा काटेर मरेको घटना त तपाईंले बारम्बार सुनिरहनुभएको होला । तर बैंककमा एक महिलाले आत्महत्या गर्ने एउटा निकैबिभत्स तरिका अपनाएकी छिन् ।
वानपेई इन्याई नामक ६५ वर्षीया यी थाई महिलाले आत्महत्या गर्नका लागि बैंककको एक टुरिष्ट फर्ममा गोहीसँग भरिएको तालमा हाम फालेकी छिन् । घटना यस्तो प्रकारको थियोः
बैंककभन्दा करिब एक घण्टा टाढा अवस्थित पर्यटकहरुका लागि खोलिएको यो फार्ममा ती थाई महिला पनि त्यहाँ आइपुगेकी थिइन् । उक्त फार्मममा सानो चिडियाघर क्षेत्रमा पर्यटकहरुले गोही खाना खुवाउन अनुमती दिइएको थियो।
शुक्रबार बेलुका ती महिलाले गोहीले भरिएको तालको बिचमा हाम फालेकी छिन् । जानकारीका अनुसार यो तालमा सयौँ गोहीहरु रहेका छन् । पुलिस प्रवक्ता प्रीचा लाम– नुईका अनुसार त्यहाँका गोही सबै वयस्क छन् । उनले भने, ‘मर्ने महिलाकी बहिनीका अनुसार उनी तनाव र डिप्रेसनको शिकार थिइन् ।’
थाइल्याण्डको पर्यटन स्थलहरुको सुरक्षा प्रबन्धको बारेमा धेरैजसोबहस हुने गरेको छ । यो फार्मका ताल वरिपरि लगाएको बार पनि निकै कम उचाइको रहेको बताइएको छ ।
उक्त फार्म सन् १९५० मा खोलिएको थियो जसलाई संसारको सबैभन्दा ठूलो गोहीको फार्म भनेर कम्पनीले आफ्नो वेभसाइटमा दाबी गरेको छ ।

कस्तो अचंम्ब ! सात वर्षकी बालिकाको मुखमा २०२ वटा दाँत ?

(एजेन्सी)- एक वयस्क मानिसको मुखमा त ३२ वटा दाँत हुन्छ भने सात वर्षकी बालिकाको कसरी २०२ वटा दाँत हुन्छ भनेर सबैले यो समाचारलाई मनगढन्ते भनेर सोच्दै हुनुहुन्छ होला । यस्तै अपत्यारिलो भएका कारण नै त यसलाई रोचक समाचार नामांकरण गरिएको छ । हेडलाइन पढेर विश्वास गर्नुभएको छैन भने सबै समाचार पुरा पढेर विश्वास गर्नुहोस् ।

भारतको गुड्गाउँमा होटल व्यवसायी गरेर बस्ने एक व्यवसायीले आफ्नी सात वर्षकी छोरीको सुन्निएको गिजा र मुखभित्रको पिडाको समस्या देखाउँदै एक डेन्टल हस्पिटलमा उपचारको लागि गए ।

अखिल भारतीय आयुर्वेदिक संस्थान (एम्स)का डाक्टरहरुले उपचारको क्रममा ती बालिकाको दाँतको एक्स–रे गरे । एक्स– रे को रिपोर्ट देखेर उपचारमा संलग्न डाक्टरहरु पनि चकित भए । उनको गिजाभित्र २०२ वटा साना–साना दाँतहरु पाइयो । कम्पाउन्ड अडोनटोम नामक बिरामीका कारण उनको मुखभित्र डेन्टल टिस्यु ट्युमर असामान्य रुपमा विकसित भइरहेकाका कारण उनको गिजाभरि दाँतजस्तो ढाँचा पलाएको थियो ।

उपचारमा संलग्न एम्सका डाक्टर अजय राय चौधरी भन्छन्, ‘यस्तो प्रकारको बिरामीमा हामीले केहि असामान्य दाँत पाउने गर्दछौँ । तर सात वर्षको बालिकाको मुखमा २०२ वटा दाँत हुनु सामान्य कुरा भने होइन ।’

दुई घण्टाको शल्यक्रियापछि मात्र उनको मुखबाट अनावश्यक साना–साना दाँतहरु निकाल्न सफल भएको चौधरीले जानकारी दिए । शल्यक्रिया पछि बालिकाको अवस्थामा सामान्य रहेकोसमेत उनले जानकारी दिए ।