ISIS released a video of American Steven Sotloff Getting Beheaded

The militant Islamic State in Iraq and Syria (ISIS) has released a video of U.S. journalist Steven Sotloff being beheaded by them. A video of reporter James Foley’s beheading released in August was showed Sotloff, warning he would be killed next if U.S. airstrikes continued. The 31-year-old freelance journalist appeared at the end of an ISIS video showing the decapitation of American journalist James Foley last week with militants warning he would be next if US air strikes in Iraq did not stop. However, The White House has said it cannot confirm the authenticity of the video which is thought to show the US hostage being beheaded.

बेङ्गोलर–रेलमन्त्री सदान्द गौडाका पुत्र कार्तिकलाई हिरोइन बलात्कार अभियोगमा पक्राउ आदेश

बेङ्गोलर–रेलमन्त्री सदान्द गौडाका पुत्र कार्तिकलाई पक्राउ गर्न बेङ्ग्लोरको अदालतले आदेश दिएको छ। कन्नड फिल्मकी हिरोइनले दायर गरेको बलात्कार अभियोग निवेदनमा सुनुवाइ गर्दै अदालतले मन्त्री पुत्रलाई पक्राउ आदेश जारी गरेको हो।

 कार्तिमाथि हिरोइन मैत्रेयीले बलात्कार तथा धोखाधडीको अभियोगमा मुद्दा दर्ता गराएकी थिइन्। प्रहरीले बलात्कार, विश्वासघात एवं धोकाको मामिलामा मैत्रेयीको उजुरी लिएको थियो। कार्तिकको अर्कै युवतीसँग इङ्गेजमेन्ट भएपछि मैत्रेयीले प्रहरीमा उजुरी गरेकी थिइन्।

हिरोइनले कार्तिकविरुद्ध विवाहको प्रपञ्ज रचेर शारीरिक सम्बन्धन राखेको अभियोग लगाएकी छन्। गौडा परिवारले दुईबीच कुनै सम्बन्ध नभएको दाबी गर्दै आएको छ। प्रहरीले धारा ३७६, ४२० तथा ४०६ अनुसार रेलमन्त्रीका पुत्रविरुद्ध अदालतमा फायल बुझाएको थियो।

मन्त्रीपुत्रले मेङ्ग्लोर स्थित आफ्नो निवासमा गोप्य रुपमा विवाह गरेको बताइएको छ। २५ जुलाइमा विवाहपछि उनले मैत्रेयीसँग कुराकानी गर्न बन्द गरेका थिए। यता हिरोइनकी आमाले भने दुवैबीचको सम्बन्धको पुष्टि गरेकी छिन्।

मैत्रेयीले कार्तिकलाई यो महिना मे महिनादेखि चिनेकी दाबी गरेकी छिन्। उनले कार्तिकको आमासँग समेत कुराकानी गरेको बताएकी छिन्।

त्रेयले अजय रावका साथ सूर्या द ग्रेट, हृदय, आइ मिस यू सहित तमिल फिल्म थीकुचिमा पनि अभिनय गरेकी छिन्।

हिरोइनका साथ खिचेका तस्विरहरुलाई पनि मन्त्रीपुत्रले फर्जी भन्दै आएका छन्।

थुक चाट्न नमानेपछि अर्को दिन भेटियो किशोरीको नाङ्गो लास

नयाँ दिल्ली–बाँच्नु मात्र पर्छ के–के सुन्न र देख्न पाइन्छ भनेको साँचो हो । भारतमा एउटा यस्तो घटना सार्वजनिक भएको छ जसले सबै मानिसहरुको रौँ ठाडो पारिदिन्छ ।

भारतको पश्चिम बंगालको एक गाउँमा तथाकथित पञ्चायतको थुक चाट्ने आदेश पालना नगरेका कारण अर्को दिन एक १५ वर्षीया किशोरीको नाङ्गो लास रेलको ट्र्याकमा भेटिएको बताइएको छ ।
घटना वास्तवमा यस्तो छ । आफ्नो बुवालाई गाउँको पञ्चायतले पिट्ने कुरा थाहा पाएर बिरोध जनाएका कारण उक्त किशोरीले आफ्नो ज्यान गुमाउनु परेको हो । खेती गर्नका लागि भाडामा लिएको पावर ट्रेलरको पैसा भुक्तान गर्न नसकेका कारण किशोरीको बुवालाई पञ्चायतले दण्डित गर्ने फैसला सुनाएको थियो । जब किशोरीले गाउँलेलाई आफ्नो बुवालाई पिट्नबाट रोकिन् तब उनीहरुको रिस ती बालिकामाथि खनियो । उनलाई गाउँलेहरुले यसो गरेकोमा गल्ती गरेको छ गल्ती सच्याउनका लागि थुक चाट्न आदेश दिए, त्यो आदेशपनि नमानेपछि उनीहरु रिसले आगो भएको बताइएको छ । यो घटना भएको केहि बेरपछि नै हराएकी बालिकाको लास भोलीपल्ट बिहान रेलको ट्र्याकमा भेटियो ।
किशोरीको परिवारले बलातकार र हत्याको आरोप १३ जना माथि लगाएका छन् । अहिलेसम्म पुलिसले एकजना आरोपीलाई मात्र पक्राउ गर्न सफल भएको छ । (एजेन्सी)

बैठकमा ढिला पुग्ने नेताहरु को–को ?

काठमाडौं, भदौ १९ – हिजो आज सबै नेताहरुको एउटै बोली सुन्न सकिन्छ, सहमति हुन्छ, छिट्टै सहमति हुन्छ, सहमतिका लागि हामी प्रतिबद्ध छौं । तर, वास्तविकतामा उनीहरु आफ्नो बोली प्रति इमान्दार नरहेको उनीहरुको व्यवहारले देखाएको छ । संविधानका मूलभूत मुद्दामा सहमतिका लागि समय घर्किरहँदा उनीहरु बैठकमा समेत ढिला पुग्ने गरेका छन् । नेताहरु ढिला पुगेपछि एक–एक घण्टासम्म बैठकमा ढिलाइ हुने गरेको छ ।

बिहिबार सबै नेताहरुलाई बैठकको चाप रहेको छ । बिहानदेखि तीन दलको बैठक बसेर मूलभूत मुद्दामा सहमतिको प्रयास गर्नुपर्ने र साँझ नेकपा–माओवादीसँग । नेकपा माओवादी लगायत अन्य दलहरुलाई संविधान निर्माणमा सहभागी गराउन र सबैलाई मान्य हुने संविधान बनाउन दलहरुलाई ठूलो चुनौती छ । त्यही भएर आज बिहान ठीक ८ बजेदेखि तीन दलको बैठक शुरु गर्ने नेताहरुले प्रतिबद्धता जनाएका थिए । यसअघिको बैठकमा पनि ढिला पुगेका नेताहरु आजको बैठकमा जसरी पनि समयमा पुग्ने बताएका थिए । तर, आज पनि त्यही सिलसिलाले निरन्तरता पाएको छ ।

आजको ८ बजे भनिएको बैठकका लागि नेताहरुको समय तालिका यस्तो थियोः
७:५० बजे डा. बाबुराम भट्टराई
७:५३ बजे नारायणकाजी श्रेष्ठ
८:०० बजे प्रचण्ड, खिमलाल देवकोटा
८:०९ बजे झलनाथ खनाल
८:१० बजे रामचन्द्र पौडेल
८:१६ बजे पूर्णबहादुर खड्का र विमलेन्द्र निधि
८:२१ बजे विष्णु पौडेल

यसअघि धेरै ढिलो आएका प्रचण्ड र रामचन्द्र पौडेल यसपटक अलि चाँडो आइपुगेका छन् ।

शेरबहादुर देउवा, माधव नेपाल र विद्या भण्डारीले बाटोमा छु भनेर खबर गरे पनि ८:४० बजे सम्म वहाँहरुको उपस्थिति भएको थिएन ।

अघिल्लो बैठमा उपस्थित भएका बामदेव गौतम, भिम रावल, कृष्ण प्रसाद सिटौलाको त कुनै पनि खबर नै आएको छैन ।

सामाजिक सञ्जालमा चर्चित बन्दै रणबीर कपुरका डुप्लिकेट

बलिवुडका विभिन्न कलाकारहरुसँग अनुहार मिल्ने डुप्लिकेट त हामीले देखेका छौं, यही सिलसिलामा अहिले रणवीर कपुरका डुप्लिकेट पनि भेटिएका छन् । जम्मु कश्मीरका जुनैद शाहको लुक्स रणवीरसँग यति धेरै मिल्छ कि पहिलो पटकमा जो कोही धोखा खान सक्छ ।

हुन त बलिवुड स्टारको एउटा समान्य व्यक्तिसँग अनुहार मिल्ने धेरै भए पनि जुनैदलाई भने रणवीरका डुप्लिकेट भनेर छुट्याउनै हम्मे हम्मे पर्छ ।

जुनैद पढाईपछि मोडलिङ गर्न चाहन्छन् । उनको फेसबुकमा पेजमा पनि बनाएका छन् जसको नाम जुनैद शाह द अपकमिङ आर के राखिएको छ ।

आफ्नो लुक्सका कारण उनी आफ्नो ग्रुपमा त फेमस छन् नै उनी विस्तारै फेसबुकमा पनि लोकप्रिय भएका छन् ।

दैनिक गोलभेडा खाने पुरुषमा प्रोस्टेट क्यान्सरको खतरा कम

जो व्यक्ति हप्तामा दसवटाभन्दा बढि गोलभेडा खाने गर्दछ उक्त व्यक्तिलाई प्रोस्टेट क्यान्सरको खतरा १८ प्रतिशत कम हुने गर्दछ । यो कुराको निष्कर्ष एक अनुसन्धानले निकालेको छ ।

यो निष्कर्षसम्म पुग्नका लागि ब्रिस्टोल विश्वविद्यालय र अक्सफोर्ड विश्वविद्यालयका अनुसन्धानकर्ताहरुले प्रोस्टेट क्यान्सरबाट पिडित ५० र ६९ वर्ष उमेरका १,८०६ मानिसहरुको जीवनशैलीमाथि ध्यान दिइएको थियो र उनीहरुलाई १,२००५ जना क्यान्सरबाट मुक्त भएका मानिसहरुसँग तुलना गरिएको थियो ।
अध्ययनमा प्रोस्टेट क्यान्सरको ‘आहारीय तालिका’ विकसित गरियो जसमा आहारका विशेषता जस्तै सेलेनियम, क्याल्सियम र त्यस्ता खाद्य पदार्थ जसमा लाइकोपिनको प्रचुरता हुन्छ, त्यस्ता खानेकुराहरुलाई समावेश गरियो ।
अध्ययनमा यो पाइयो कि जो व्यक्तिले यी तीन विषेशता भएका आहारा समावेश गर्ने व्यक्तिहरुमा प्रोस्टेट क्यान्सरको आशंका कम पाइयो ।
प्रोस्टेट क्यान्सरमाथि माथ पाउनका लागि गोलभेडा र गोलभेडाको जुस सबैभन्दा बढि गुणकारी पाइयो । दिनमा १० वटाभन्दा बढि गोलभेडा खाने पुरुषहरुमा बिरामी हुने सम्भावना पनि १८ प्रतिशत कम हुने गर्दछ । (एजेन्सी)

दैनिक जीवनमा उपयोगी मोबाइल एप्स ‘नेपाली टुल्स’

विश्व बजारमा मात्र हैन, आजभोली नेपाली बजारमा पनि मोबाइल एप्सको विकासक्रम बढ्दो छ। गुगलको प्लेस्टोरमा नेपालीले बनाएका एप्सहरू पनि थुप्रै छन् र ती डाउनलोड हुने संख्या पनि उल्लेख्य छ। नेपालीले केही यस्ता महत्त्वपूर्ण एप्स बनाएका छन् जो दैनिक जनजीवनमा महत्त्वपूर्ण साबित भइरहेका छन्।
नेपाली लोडसेडिङ सेड्युल, बत्ती गयो, हाम्रो पात्रो, अंग्रेजी नेपाली डिक्सनरी, क्यास एन एड, फुटबल वल्र्ड लगायत नेपालीले बनाएका यस्ता धेरै एप्स अहिले चर्चित भइरहेका छन्।

त्यस्तै एप्सको बजारमा भर्खरै आएको ‘नेपाली टुल्स’ (Nepali Tools) पनि दैनिक जीवनमा उपयोगी हुने एप्लिकेसन हो।प्रयोगकर्ताले यो एपमा धेरै किसिमका सुविधा र विशेषता भेट्न सक्छन्। नेपाली प्रयोगकर्ताप्रति लक्षित यो एपबाट प्रवासमा रहेका नेपालीले पनि धेरै फाइदा लिन सक्छन्।

यसमा रहेका आधा दर्जन फिचर घरव्यवहार तथा कार्यालयका काममा सहयोग पु:याउने किसिमका छन्। मुद्रा सटही दरको ताजा जानकारी पाउन करेन्सी कन्भर्टर, तिथिमिति नेपाली र अंग्रेजीमा रूपान्तरण गर्न डेट कन्भर्टर, धेरै मानिसले दैनिक योजना बनाउन ध्यान दिने गरिएको राशिफल प्रत्येक दिनको पढ्न सकिने, नेपालको २०० ओटा भन्दा बढी एफ.एम. रेडियो स्टेसनलाइ अनलाइनबाट सुन्न सकिने, यसमा धेरै अनलाइन पोर्टलहरूमा प्रकाशित भएका ताजा समाचार पढ्न, हेर्न पाइने जस्ता सुविधा लगाएत अन्य फिचर ‘नेपाली टुल्स’मा छन्।

हाल यो एप एन्ड्रोइड मोबाइलका लागि गुगलको प्लेस्टोरमा उपलब्ध छ। जसलाई प्लेस्टोरमा गएर ‘नेपाली टुल्स’ (Nepali Tools) सर्च गरि डाउनलोड गर्न सकिने छ । यसलाई चाँडै नै अन्य नया फिचर भर्सन थप गरि अपग्रेड गर्ने र आईओएस तथा विन्डोजका लागि पनि विकास गरिने विकासकर्ता उद्धव तामाङ बताउँछन्।