नेपाली बजारमा आयो होण्डाको सात सिटे ‘मोबिलियो’ कार

१८ भदौ, काठमाडौं । प्रख्यात जापानी लक्जरी कार निर्माता कम्पनी होन्डाले नेपालमा सात सिटे मोबिलियो कार भित्राएको छ ।

बुधबारदेखि काठमाण्डौमा सुरु सवारी साधन प्रर्दशनी ‘नाडा अटो सो’ मा अर्थमन्त्री डा. रामशरण महतले मोबिलियो सार्वजनिक गरे ।

सात सीट क्षमताको मोबिलियो भारतीय बजारमा निकै प्रख्याती कमाउन सफल भएको होण्डाको नेपालका लागि आधिकारिक बिक्रेता स्याकर ट्रेडिङले जनाएको छ । अध्यक्ष सौरभ ज्योतिका अनुसार भारतमा मोबिलियो किन्न चाहने ग्राहकले ६ महिनासम्म कुर्नुपर्ने अबस्था छ ।

‘मोबिलियो सेभेन सिटर फेमिली मल्टीप्रपोज भेहिकल हो’ ज्योतिले भने- ‘यसले नेपालमा होण्डा गाडीको बजार हिस्सा बढाउने विश्वास लिएका छौं, यसले नयाँ बजार सिर्जना गर्ने छ ।’

पेट्रोल र डिजेल दुबै इञ्जिनमा रहेको मोबिलियो नेपालमा ४ कलरमा उपलब्ध हुने छ । यसको मूल्य नेपाली बजारमा ३० लाख ७० हजा रूपैयाँदेखि ४४ लाख रूपैयाँसम्म पर्ने बताइएकाे छ ।

पेट्रोल इञ्जिनयुक्त मोबिलियो १४९७ सीसी र डिजेल इञ्जिनयूक्त मोबिलियो १४९८ सीसीमा उपलब्ध छ ।

कारको सबैभन्दा आकर्षक पक्ष यसले दिने माइलेज हो । नेपाली सडकमा पेट्रोल इञ्जिन भएको मोबिलियोले प्रतिलिटर १७.३ किलोमिटर र डिजेल इञ्जिन भएको मोबिलियोले २४.२ किलोमिटर माइलेज दिने कम्पनीको दाबी छ ।

मोबिलियोमा ५ फरवार्ड र १ रिभर्स म्यानुअल ट्रान्समिसन गियर छ । पेट्रोल र डिजेल दुबै मोडलमा हृवीलवेस २६५२ एमएम रहेको छ । ग्राउन्ड क्लियरेन्स १८९ एमएम भएको हुँदा कच्ची सडकमा समेत मोबिलियोमा कुदाउन कुनै समस्या नहुने ज्योती बताउँछन् ।

४२ लिटर इन्धन अटाउने ट्याङ्की रहेको मोबिलियोमा कोलाप्सिवल इलेक्ट्रिक स्टेरिङ रहेको छ । मोबिलियोमा पावरफुल इञ्जिन रहनुका साथै बाहिरी भित्री डिजाइन समेत आकर्षक रहेको छ ।

भारतको भारखण्डस्थित एक गाउँमा १८ वर्षकी किशोरीको गराइयो कुकुर सँग बिहे (फोटोफिचर सहित)

मान्छेले मान्छेसँगै बिहे गर्छ । हिन्दु परम्परामा बेलसँग पनि बिहे गर्ने चलन छ । तर के मान्छेको विवाह कुकुरसँग भएको सुन्नुभएको छ ?

भारतको भारखण्डस्थित एक गाउँमा एक १८ वर्षीया किशोरीको विवाह कुकुरसँग भएको छ । मंगली मुण्डा नामकी ती किशोरीको एक परम्परागत समारोहबीच शेरु नामको भाले कुकुरसँग विहे गरिएको हो ।

उनको भाग्य खराब रहेको र सुरुमा कुनै पुरुषसँग बिहे गरेमा ग्रहदशाले निकै नराम्रो फल दिने भनेर एक गुरुले भविष्यवाणी गरेपछि उनले नै दिएको सल्लाह बमोजिम पूर्वी भारतको एक गाउँकी ती युवतीको कुकुरसँग बिहे गराइयो ।

Mangli Munda

कुकुरसँग बिहे भैरहँदा विवाह मण्डपमा बेहुली मंगली खुसी देखिन्नथिन् तर विचरो कुकुर भने मस्त थियो । उसलाई कारमा चढाएर विवाह मण्डपमा ल्याइएको थियो र केटी पक्षका मानिसले स्वागत समेत गरेका थिए फूलमाला लगाइदिएर ।

अहिलेसम्म स्कुल नगएकी निरक्षर मंगलीले आफुलाई कुकुरसँग बिहे गर्दा खुसी नलागेको भएपनि अब आफ्नो भाग्य बदलिने विश्वास व्यक्त गरेकी छिन् ।

‘गाउँका बुढापाकाकै सल्लाह अनुसार मैले कुकुरसँग बिहे गरेकी हुँ र मेरो खराब दशा अब कुकुरमा सर्नेछ’ उनले भनेकी छिन् ।

कुकुरसँग बिहे गरेपछि अब आफुले बिहे गर्ने मान्छेको लामो आयु हुने उनको विश्वास छ ।

Mangli-Munda

मंगलीका बुवा श्री अमुन्दा पनि यो कुरामा सहमत छन् । उनले आफ्नी छोरीका लागि सुहाउने भुस्याहा कुकुर शेरु खोजेर ल्याएका थिए । छोरीलाई खराब दशाबाट जोगाउने एकमात्र उपाय भनेको कुकुरसँग बिहे गर्नु रहेको उनको ठम्याइ छ । आफ्नी छोरीसँग बिहे गरेको त्यो ज्वाइँ कुकुरलाई अब मंगलीका बाउआमाले ज्वाइँलाई जस्तै गरी सम्मान र स्याहार गर्नेछन् । अबका केही महिनासम्म मंगली आफैले त्यो कुकुरको स्याहार गर्नुपर्नेछ, स्वामीका रुपमा ।

उक्त गाउँमा यसअघि पनि खराब दशा भएका किशोरीहरुको कुकुरसँग बिहे गरिदिएर ग्रहशान्ती गर्ने चलन रहेछ । कुकुरसँग बिहे गर्ने केटीहरुलाई झनै राम्रो मानिँदो रहेछ ।

मंगली भन्छिन्, ‘मैले एक दिन कुनै पुरुषसँग बिहे गर्नेछु । आफ्नो मन परेको राजकुमारसँग बिहे गर्ने सबै केटीहरुको सपना हुन्छ । त्यसैले मैले पनि मेरो राजकुमारलाई पर्खिरहेकी छु ।’

पैसाको अभावमा बेश्याबृत्ति,- बेश्याबृत्तिको अभियोगमा चर्चित नायिका पक्राउ

भारतीय चर्चित सिने अभिनेतृ श्वेता बसु बेश्याबृत्तिको अभियोगमा पक्राउ परेकी छिन् ।

गत आइतवार हैदराबाद प्रहरीले एक होटलमा छापा मार्दा श्वेता केही ‘हाइप्रोफाइल’ बिजनेसम्यानसँग आपत्तिजनक अबस्थामा फेला परेको इन्डिया टुडेले जनाएको छ ।

२३ बषिर्या श्वेताले हाइप्रोफाइल बेश्याबृत्ति संजाल चलाइरहेको आशंकामा

प्रहरीले छापा मारेको थियो । उनको साथबाट मुम्बईका केही घरानियाँ ब्यापारी पनि पक्राउ परेका छन् । तर प्रहरीले उनीहरुको नाम खुलाएको छैन् ।

श्वेताले आफुसँग पैसा नभएपछि बेश्याबृत्तिमा लाग्नुपरेको बताएकी छिन् । पक्राउ परेपछि बिज्ञप्ति जारी गर्दै उनले भनिन्- मैले मेरो करियरमा निकै गलत निर्णय गरेँ । मसँगै पैसाको निकै अभाव भयो, परिवारलाई सहयोग गर्नुपर्ने थियो । सवै ढोकाहरु बन्द भए र केही मानिसहरुले मलाई बेश्याबृत्तिमा लागेर पैसा कमाउन हौसाए ।’

एनले आफुसँग कुनै पनि बिकल्प बाँकी नरहेपछि र असहाय भएपछि अन्तिम बिकल्पका रुपमा बेश्याबृत्ति छनौट गरेको बताइन् । उनले यो पनि दावी गरेकी छिन की यस्तो धन्दामा लाग्ने उनी एक्लो हिरोइन हैनन्, अन्य धेरै नायिका यही हालतबाट गुजि्रएका छन् ।

श्वेता बेश्याबृत्तिको धन्दामा लागेको भन्दै स्थानीय टेलिभिजनले केही समयअघि स्टिङ अपरेशनमार्फत् खुलासा पनि गरेको थियो ।

को हुन श्वेता ? 

सन् २००२ मा विशाल भारद्धाजको ‘मग्दी’ सिनेमामा बालकलाकारको रुपमा काम गरेर उनले ‘राष्ट्रिय अवार्ड’ जितेकी थिइन् । उनी थुप्रै हिन्दी सिनेमा तथा सिरियलमा देखिएकी थिइन् । उनले एकता कपुरको ‘कहानी घर घर की’ जस्तो चर्चित सिरियलमा समेत अभिनय गरेकी छिन् ।

यसपश्चात उनी हैदरवादमा तेलुगु सिनेमा खेल्नका लागि प्रस्थान गरेकी थिइन् ।

अचम्मको संयोग श्रीमान श्रीमतीको एउटै चित्तामा दाहसंस्कार

आज भन्दा तीन महिना पहिले पर्वतको बाजुङ गाउँ विकास समितिमा श्रीमानको मृत्यु भएको १२ घण्टा नबित्दै श्रीमतीको पनि मृत्यु भएको थियो। बाजुङ गाविसको वडा नं १ न्याउले गाउँका ९३ वर्षीय भक्त बहादुर कुँवरको जेठ १२ गते बिहान मृत्यु भएको १२ घण्टा पछि ८५ वर्षीया श्रीमती धनसरी कुवँरको मृत्यु भएको थियो।

यो त भयो ३ महिनाको फरक मा श्रीमान श्रीमती को मृतु तर अचम्मको संयोग भन्नुपर्छ, पर्वत जिल्लाकै

बाजुङमा एक दम्पत्तिको मरण एकसाथ भएको छ। एउटै चित्तामा उनीहरूको दाहसंस्कार भएको छ। श्रीमानको मृत्यु भएको दुई घन्टापछि श्रीमतीको पनि मृत्यु भएको छ। पर्वतको बाजुङ गाउँ विकास समिति वडा नं ९ का ९१ वर्षीय वृद्ध रुद्रबहादुर विक र उनकी ८१ वर्षीया श्रीमती छलिदेवी विकको दुई घन्टाको बीचमा कालगतीले नै मृत्यु भएको हो।

श्रीमान रुद्रबहादुरको मंगलबार बिहान १०:३० बजेको समयमा मृत्यु भएको हो भने श्रीमती छलिदेवीको मृत्यु मध्यान्न १२:३० मा भएको हो। दुई घण्टाको फरकमा श्रीमान श्रीमतीको मृत्यु भएपछि आज मोदीबेणीघाटमा एउटै चित्तामा दुई जनाको दाहसंस्कार गरिएको स्थानियबासी भक्त कुवँरले जानकारी दिए। 'दुई घण्टाको फरकमा श्रीमान श्रीमतीको मृत्यु भएपछि एउटै चित्तामा दाहसंस्कार गरिएको छ' उनले भने 'कालगतिले एकै पटक मरण हुने दम्पती बिरलै भेटिन्छन्' ।

मृतक रुद्रबहादुर विक २०४४ सालमा जनपक्षीय वडा अध्यक्षको रुपमा बिजयी भएका थिए। उनी केही दिनदेखि सामान्य ज्वरोले थलिएका थिए। श्रीमानलाई ज्वरो आएपछि श्रीमती छलिसमेत श्रीमान्सँगसँगै मर्ने हो भन्दै चार दिन देखि खाना नखाई बसेकी थिइन। 'मेरो श्रीमानसँगै मर्ने इच्छा छ,उहाँको मृत्युपछि एक्लै बस्न सक्दिन भन्दै उनी खाना नै नखाइ बसेकी थिइन्, कुवँरले भने' उनको इच्छाअनुसार नै मृत्यु भयो।'

यसअघि 

बिहोगमा फुर्यो कविता श्रीकृष्णलाई सम्झिँदै श्वेताले लेखिन् मर्मस्पर्शी कविता (कवितासहित)

काठमाडौं, भदौ १७ – विवाह भएको एक महिना नबित्दै श्रीमान् गुमाएकी श्वेताको अश्रुधारा अहिलेसम्म पनि रोकिन सकेको छैन । औपचारिक कार्यक्रम श्रीकृष्णको १३ औँ दिनको पुण्यतिथिमा होस् कि कुमारी हलमा फिल्म हेर्दा होस्, उनका आँखा कहिले ओभाउन पाएका छैनन् । अरु दिन र एक्लै हुँदा त झन् उनी कति रोइन् होला । हुन पनि श्वेतामाथि बज्रपात नै खसेको छ । पतिवियोग सहन उनलाई निकै गाह्रो भइरहेको पुष्टि उनको व्यवहार र आँसुका धाराले पुष्टि गरिरहेको छ । कसैसँग केहि बोल्न नसक्ने अवस्थामा देखिने श्वेताले केहि दिन पहिले आफू र श्रीकृष्णको दुईवटा फोटोहरु फेसबुकमा पोष्ट गरि आफ्ना भित्रि वेदनाहरु भगवानसँग प्रकट गरेकी थिइन् । 

यस्तै हिजो अर्थात मंगलबार पनि उनले फेसबुकमा आफ्ना भावनाहरु बिसाएकी छिन् – कवितामार्फत । प्रोफाइलमा आफू बेहुली भएको फोटो र कभरमा विवाह समारोहको श्री र आफ्नो फोटो भएको उनको फेसबुक अकाउन्टमा श्री र आफ्नो नयाँ फोटोसहित उनले कविता पोष्ट गरेकी छिन् । उनका शब्दहरु निकै मर्मस्पर्शी छन् । उनले आफूलाई सम्हाल्नै नसकेको अभिव्यक्ति बारम्बार दोहोराइरहेकी छिन् । हेरौँ उनका कविता उनकै 

शब्दमा : 

अनेक कोसिश गर्छु म अगाडी हिड्न तर म आज आफैंलाई समाल्न सक्दिन , 

भन्थे जीन्दगीका हरेक मोडमा संगर्ष गर्छु तर म आज आफैंलाई समाल्न सक्दिन , 

कुन दिनको पाप सजाएँ भोग्नु पर्यो मैले मलाई गार्हो भयो आफैले आफैंलाई समाल्न , 

दैब लग्नुको पनि एउटा सिमा हुन्थ्यो होला मलाई गार्हो भयो आफैले आफैंलाई समाल्न , 

सपना बुनेर के लागेको थिएँ जीन्दगी बसाल्न टप्प टिपेर लगिदेउ मेरो प्राण आफ्नै भगवानलाई , 

हात चल्दैन आज मेरो खुट्टा अनि दिमाग पनि चल्दैन मलाई गार्हो भयो आफैले आफैंलाई समाल्न , 

रुन्न भन्छु , 

अघि हिड्न खोज्छु सक्दिन समाल्न कहाँ गुहारौं कसलाई गुहारौं छैन मसंग शक्ति मलाई गार्हो भयो आफैले आफैंलाई समाल्न, 

फेरि विश्वास गर्छु एकपटक भगवान म तिमिलाई मलाई गार्हो भयो आफैले आफैंलाई समाल्न , 

लौ अब तिमि आफैं भन म कुन बाटो लागौं मलाई गार्हो भयो आफैले आफैंलाई समाल्न ।

चीनमा पान्डाले झुक्यायो

बेइजिङ (बीबीसी/सीएनएन), भाद्र १३ - चीनको चेन्दङगु सहरस्थित एक चिडियाघरमा गर्भवती भएको अभिनय गरेर पोथी पान्डाले हेरचाहमा खटिएकालाई झुक्याएको छ। आफूतिर ध्यानाकषिर्त गराउन र भोजनमा अत्यधिक फल, भुक्केरोटी र बाँस पाउन उसले त्यस्तो स्वाङ पारेको रहेछ।

चिडियाघरमा ल्याएकी आई हिन नामकी पोथी पान्डाले भोक नलाग्ने बहाना गर्नुका साथै शरीरको आकार परिवर्तन भएको भान पारेको चेङडुस्थित पान्डा प्रजनन संशोधन केन्द्रले जनाएको छ। ६ वर्षे हिनको शरीरमा देखिएको फेरबदलका कारण जुलाईदेखि एयर कन्डिसनयुक्त भिन्नै कोठामा राखिएको थियो। उसले भोक नलाग्ने, अल्छीपना र प्रोजेस्टयासनल हर्मोनमा वृद्धि भएजस्तै संकेत दिएको थियो। वातावरण अनुकूल उक्त कोठामा २४ घन्टा उसको विशेष ख्याल राखिएको थियो।

उसले जीवनस्तरमा प्रगतिका लागि यत्रो नाटक गरेको रहेछ। उक्त पान्डाको प्रसवको प्रत्यक्ष प्रसारण गर्ने योजनासमेत चिडियाघरका कर्मचारीले बनाएका थिए। झन्डै दुई महिनापछि उसले सामान्य व्यवहार गर्न थालेपछि गरिएको छानबिनमा उसको नक्कले व्यवहारको पोल खुलेको थियो।  पान्डाको गर्भधारण गर्ने अवधि वर्षभरमा तीन दिनभन्दा बढी नहुने वैज्ञानिकहरू बताउँछन्। गर्भकालको अवधि ८० देखि २ सय दिनसम्म हुन्छ। यही कारणले गर्भवती भए/नभएको सुरुआती जाँच अनुमानमा निर्भर हुन्छ। वैज्ञानिकहरूले उसको व्यवहार र मनोविज्ञानलाई नजिकबाट नियाल्छन्। यो प्रायः अड्कलमा आधारित हुन्छ।

गर्भधारणको पुष्टि नै भए पनि शिशु पान्डाको जीवित रहने दर निकै कम हुन्छ। चीनको प्रजनन गृहमा जन्मेका पान्डाहरूमध्ये एक तिहाइदेखि आधाजति मात्र बाँच्ने गरेको तथ्यांक छ। चीनको दक्षिणी सहर ग्वानझाऊस्थित चिमेलोंग सफारी पार्कमा गत महिना एक पान्डाले तीनवटा स्वस्थ शिशुलाई जन्म दिएको आशालाग्दो खबर सार्वजनिक भएको थियो। अहिलेसम्म यो नै संसारको पहिलो जीवित तिम्ल्याहा शिशु पान्डाहरू हुन्। यसपछि स्कोटल्यान्डको इडिनवर्ग चिडियाखानामा सियान पान्डा पनि एक शिशुलाई जन्म दिने तयारीमा छ। वासिङ्टनस्थित स्मिथसोनियन इन्स्िटच्युसन्स नेसनल जुका अनुसार मध्य चीनको पर्वतीय जंगलमा बढीमा १ हजार ६ सय मात्र विशाल पान्डा जीवित छन्। उक्त संस्थाका अनुसार ३ सयभन्दा बढी पान्डा चिडियाखाना र विश्वभरका प्रजनन केन्द्रमा छन्। धेरैजसो चीनमै रहेको उसले भनेको छ।

अर्का अमेरिकी पत्रकारको घाँटी रेटी हत्या

 'ओबामा म फेरि फर्केर आए, हाम्रो चेतावनी दिंदादिंदै पनि तिमीले बम बर्साउन छाडेनौं', मास्कधारी व्यक्तिले भिडियोमा भनेका छन्,'हाम्रो मान्छेलाई मिसाइल खसाउदा हामी पनि तिम्रा मान्छेको घाँटीमा चक्कु चलाउछौं ।'

एजेन्सी, भाद्र १८ - इस्लामिक स्टेट विद्रोहीको कब्जामा रहेका अमेरिकी पत्रकार स्टिभन सटलफको टाउको काटिएको भिडियो सार्वजनिक भएको छ । ३१ वर्षीय सटलफ एक वर्ष अघि सिरियामा विद्रोहीको कब्जामा परेका थिए ।

सटफलले टाइम म्यागेजिन, फरेन पोलिसीका लागि काम गरिसकेका छन् । उनले इजिप्ट, लिबिया र सिरियाबाट रिपोर्टिङ गरेका थिए । केही दिन अघि मात्रै अमेरिकी पत्रकार जेम्स फोलेको पनि यसैगरी हत्या गरिएको थियो ।

भिडियोमा देखिएको कालो वस्त्रधारी व्यक्तिले आफ्नो कब्जामा रहेका एक वेलायती नागरिकको समेत हत्या गर्ने धम्की दिएका छन् । अमेरिकाले भिडियोको आधिकारीकताबारे चाँडै बुझ्ने जनाएको छ।

'ओबामा म फेरि फर्केर आए, हामीले चेतावनी दिंदादिंदै पनि तिमीले बम बर्साउन छाडेनौं', मास्कधारी व्यक्तिले भिडियोमा भनेका छन्,'हाम्रो मान्छेलाई मिसाइल खसाउदा हामी पनि तिम्रा मान्छेको घाँटीमा चक्कु चलाउछौं ।'