भारतको मुम्बई अदालतले आफ्नी श्रीमतीबाट तनावग्रस्त एक पुरुषलाई सम्बन्ध विच्छेदको अनुमति दिएको छ।
सम्बन्धी विच्छेदका लागि अदालत पुगेका पुरुषले श्रीमतीमाथि बढी सेक्स गर्न खोजेको आरोप लगाएका छन् । उनले आफ्नी श्रीमती कहिल्यै तृप्त गर्न नसक्ने यौन इच्छा देखाएकाले आफू समस्यामा परेको बताएका छन् । उनले श्रीमतीलाई निकै मुढी र तानाशाह प्रकारको महिला भएको आरोपसमेत लगाएका छन् ।
मुम्बईस्थित एक पारिवारिक आदालतका मुख्य न्यायाधीश लक्ष्मी रावले श्रीमानको कुरा सुनेपछि भनिन्, आरोपित श्रीमतीले अदालतमा उपस्थिति भइनन् र निवेदनकर्ताको चुनौति पनि दिइनन् । त्यसैले अदालतसँग निवेदनकर्ताको कुरा सुन्नुको कुनै विकल्प छैन । त्यसैले निवेदक आफ्नो इच्छाअनुसार सम्बन्ध विच्छेदका लागि हकदार छन् ।
पतिले जनवरी २०१४ मा दायर गरेको रिटमा उनकी श्रीमती मुठी, जिद्दी र मनोमानी गर्ने महिला भएको आरोप लगाइएको थियो । निवेदकले यौन व्यवहारका लागि अत्याधिक र कहिल्यै तृप्त नहुने इच्छा राख्ने गरेको आरोप पनि थियो । अप्रिल २०१२ मा विवाह भएपछि आफू सधैं तनावमा रहनु परेको निवेदकको भनाइ छ । निवेदनमा श्रीमतीले आफूलाई औषधि र मदिरासेवनका लागि समेत बाध्य पारेको दावी गरिएको छ ।
निवेदनमा उनले आफूलाई अप्राकृतिक यौन सम्बन्ध कायम गर्नसमेत विवश बनाएको दावी गरेका छन् । यसप्रकारको यौन सम्बन्धका लागि अस्वीकार गर्दा आफूले गाली खाने गरेको उनको गुनासो छ। जसका कारण श्रीमतीको मागसामु आफू झक्न बाध्य भएको उनले निवेदनमा उल्लेख गरेका छन् ।
उनले अदालतसामु आफू तीन शिफ्टमा काम गर्ने गरेकाले अत्यन्तै थाक्ने गरेको भन्दै त्यसका बावजुद श्रीमतीको वासना पूरा गर्न बाध्य बनेको दावी गरेका छन् ।
उनले अदालतमा श्रीमतीले आफूलाई आफ्नो माग पूरा नगरे अन्य पुरुषसँग जाने धम्की दिने गरेको समेत बताए । निवेदनमा डिसेम्बर २०१२ मा आफ्नो पेटमा दुखाई भएकाले अस्पताल भर्ना भएको र चिकित्सकहरुले केही समयमा लागि शारीरिक सम्बन्धबाट टाढा रहन सुझाव दिएको भन्दै तैपनि श्रीमतीले आफनो यौन इच्छा पूरा गर्न बाध्य गराएकाले आफ्नो स्वास्थ्यमा समस्या आएको उल्लेख गरेका छन् ।
उनले निवेदनमा आफूले श्रीमतीलाई कुनै मनोचिकित्सकको सल्लाह लिन सुझाव दिए पनि उनले इन्कार गरेको उल्लेख गरेका छन् । निवेदनमा उनले अब आफू यो सब अत्याचार सहन नसक्ने भन्दै आफ्नो जीवन खतरामा रहेको उल्लेख गरेका छन् । उनले भनेका छन्–यौनप्रतिको उनको अत्याधिक भोकका कारण म आफ्नी श्रीमतीसँग एउटै घरमा बस्न सक्दिनँ ।
न्यायाधीशले उनको निवेदन स्वीकार गर्दै उनलाई सम्बन्ध बिच्छेदका लागि अनुमति दिने फैसला गरेको छ। एजेन्सी
