नेकपा एमाले संसदीय दलका नेता केपी शर्मा ओली मुलुकका ३८ औं प्रधानमन्त्रीका रूपमा निर्वाचित भएका छन्।
आइतबार संसद भवन नयाँ बानेश्वरमा भएको प्रधानमन्त्री पदका लागि भएको निर्वाचनमा ओलीले आफ्ना प्रतिद्वन्द्वी नेपाली कांग्रेसका उम्मेद्वार सुशील कोइरालालाई हराउँदै मुलुकका नयाँ प्रधानमन्त्री भएका हुन्।
संसदमा प्रतिनिधित्व गर्ने ५८७ सभासदमध्ये ३३८ मत पाउदै ओली बहुमतबाट प्रधानमन्त्री चयन भएका हुन्। कोइरालालाको पक्षमा २४९ मत परेको थियो।
केपी ओलीलाई एमाओवादी, राप्रपा नेपाल, फोरम लोकतान्त्रिक, राप्रपा, नेकपा माले, राष्ट्रिय जनमोर्चा, बहुजन शक्ति पार्टी, समाजवादी जनता पार्टी, राष्ट्रिय जनमुक्ति पार्टी, नेपाल परिवार दल लगायतले समर्थन गरेका थिए।
No comments:
Post a Comment