अफगान गाउलेले चारजना तालिवानलाई झुण्डाए

असोज १२, काबुल  – अफगानिस्तानको घाज्नी प्रान्तका गाउलेले चारजना तालिवानलाई झुण्डाएर मारेका छन् ।

उनीहरुले गाउका सार्वसाधारणलाई समेत हालैका दिनमा अत्याचार गरेको भन्दै चारजनालाई झुण्डाएर मारेको बताएका छन् ।

pakistan-south-waziristan-taliban-fighters

प्राप्त समाचारमा तालिवानले गतहप्तामात्र त्यहाँका करिब एक सयजना गाउले र प्रहरीको हत्या गरेका थिए ।

गतहप्तादेखि उनीहरुले सुरु गरेको सो कारबाहीका क्रममा ठूलो सङ्ख्यमा गाउले मारिएको भन्दै त्यसको विरोधमा गाउले तालिावनका विरुद्ध जाइलागेका थिए ।

प्रहरीले जनाएअनुसार तालिवानको ज्यादति सहन नसकी गाउलेले ती तालिवानको हत्या गरेका हुन् ।

उक्त गाउमा लुकेर बसेका तालिवानले गाउलेलाई सुरक्षाकर्मीका विरुद्धमा ढालको रुपमा प्रयोग गर्ने गरेका र उनीहरुको अत्याचार सहन नसकेकाले हत्या गरेका बताइएको छ ।

सो गाउमा अझै कम्तीमा १०० जना जति तालिवान लुकेर बसेका र प्रहरी र सेनाको सहयोगमा उनीहरुको खोजी कार्य जारी नै रहेको पनि अधिकारीहरुले जनाएका छन् । रासस/एएफपी