‘काले’ मा कस-कसको रोमान्स

उद्धब अविदितको निर्देशनमा तयार भइरहेको चलचित्र ‘काले’ को ७५ प्रतिशत छायांकन सकिएको निर्माणपक्षले बताएको छ । चलचित्रमा जेनिशा केसी, निस्तेज निरौला, दिनेश दुलाल, सदिक्षा , महेश गिरी लगायतका कलाकारको अभिनय छ ।कर्णाली भेगका बासिन्दाको कथालाई उठान गरेको यो चलचित्रमा सुरेश अधिकारीको संगीत, कविराज गहतराजको नृत्य, रोशन श्रेष्ठको द्वन्द्व छ । निर्माणपक्षले भर्खरै चलचित्रमा समावेश एक गीतको छायांकन सम्पन गरेको छ । जसमा कलाकार दिनेश दुलाल र सदिक्षाको रोमान्स हेर्न सकिन्छ । ‘बचे एउटै हातको सिरानी मरे एउटै काठको सिरानी’ बोलको गीतको छायांकन पोखरा र डुम्रे लगायतका क्षेत्रमा गरिएको हो । चलचित्रमा ४ गीत समावेश गरिएको छ ।चलचित्रको नाम सुरुवातमा ‘खुर्पा’ राखिएको थियो । तर नाममा विवाद भएपछि ‘खुर्पा’ लाई परिवर्तन गरी ‘काले’ बनाइएको हो ।