सुजुकीले भित्र्यायो ‘जिक्सर बाइक’

काठमाडौं, भदौ १८– नेपालका लागि सुजकी मोटरसाइकलको आधिकारीक विक्रेता भिजी अटोमोबाइल्सले नेपालमा नयाँ मोडलको मोटरसाइकल–जिक्सर बाइक सार्वजनिक गरेको छ ।

मंगलबार राजधानीमा आयोजित एक कार्यक्रमका बिच १ सय ५५ सिसी भएको जिक्सर सुजुकी भारतमा निर्मित जापानिज प्रविधिमा बनाइएको मोटरसाइकल हो । सुजुकीको जिक्सर बाइक हेर्दा निकै आकर्षक, चढ्दा आरामदायी, बढि माइलेज दिने र राम्रो पिकअप भएकोले यसले ग्राहकहरुलाई आकर्षक गर्ने कम्पनीले जनाएको छ ।
बजाज,यामाहा, होन्डाको प्रतिस्पर्धामा उत्रिएको सुजुकी जिक्सरले नेपाली बजारमा पनि राम्रै बजार हिस्सा ओगट्ने कम्पनीले अपेक्षा राखेको छ ।

डबल साइलेन्सर भएको यो मोटरसाइकलमा मोनो सकर सस्पेन्सरमा छ । एयर कुल्ड सिस्टमको सुजुकी जिक्सर १५४ सीसीयुक्त छ । यसको मूल्य बजार लञ्च अफर भनेर कम्पनीले २ लाख २९ हजार ९ सय तोकिएको छ । तर, पछि यसको मूल्य २ लाख ३७ हजार गरिने भिजिका प्रमुख कार्यकारी अधिकृत विवेक विजुक्छेले बताए ।

इंग्ल्याण्डमाथि भरोसा गुमाउँदै फुटबल समर्थक

लण्डन, भदौ १९ – विश्वकपमा खराब प्रदर्शन गरेको इंग्ल्याण्डमाथि उनीहरुका समर्थकले भरोसा गुमाउँदै गएको बुधबार राती भएको मैत्रीपूर्ण खेलले देखाएको छ । प्रायः इंग्ल्याण्डको खेलमा भरिभराउ रहने वेम्ली स्टेडियम हिजोको खेलमा आधा खाली थियो ।

हिजो भएको नर्वे विरुद्धको खेलमा पनि इंग्ल्याण्डले जीतका लागि निकै संघर्ष गर्नुपर्यो । हिजो खेल नयाँ कप्तान वेयन रुनीका लागि भने सुखद रह्यो । उनले पेनाल्टीमार्फत् गोल गर्दै इंग्ल्याण्डलाई जीत दिलाए । यसको साथै देशका लागि सर्वाधिक गोलकर्ताको सूचीमा उनी माइकल ओवेनलाई उछिन्दै चौंथो स्थानमा आएका छन् ।

विश्व विजेता जमर्नीमाथि अर्जेन्टिनाको बदला

बर्लिन, भदौ १९ – म्यान्चेस्टर युनाइटेडका नयाँ खेलाडी एंखल डि मारियाले उत्कृष्ट प्रदर्शन गर्दा अर्जेन्टिनाले जमर्नीमाथि विश्वकपको फाइनलमा बेहोरेको हारको बदला लिएको छ । प्रिमियर लिगमा रेकर्ड ५९.७ मिलियन पाउण्डमा भित्रिएका डि मारियाले एक गोल गर्नुको साथै तीन एसिस्ट गरेपछि अर्जेन्टिनाले विश्व विजेता जमर्नीलाई ४–२ गोल अन्तरले पराजित गर्यो ।

अर्जेन्टिनाको जीतमा डिमारियासँगै सर्जियो एगुएरो, एरिक लामेला, फ्रेड्रिको फर्नान्डेजले गोल गरेका थिए ।

५२ दिन अघि विश्वकप विजेता टोलीमध्ये ४ जनालाई मात्र शुरुवाती ११ मा समावेश गरेको जमर्नीका लागि आन्द्रे सर्ले र मारियो गोट्जले सान्तवना गोल गरेका थिए ।

अन्तरीक्षमा सम्भोग गर्ने छेपाराहरुको निधन

रुसी अन्तरीक्षयानमा चढेर अन्तरीक्षमा पुगेका छेपाराहरुले दुनियालाई आश्चर्यमा पारिदिए, जब ती छेपाराहरुले अन्तरीक्षमा समेत यौनक्रिडा गरे । तर अन्तरीक्षयानभित्रै यौनक्रिडा गरेर सबैलाई अचम्ममा पारेका ती छेपाराहरु पृथ्वीमा झर्दा नझर्दै यो दुनियाबाट विदा भएका छन् ।

रुसी अन्तरीक्षयान फोटोन एम फोर क्याप्सुलमा हालेर ती छेपाराहरुलाई अन्तरीक्षमा पठाइएको थियो । सुक्ष्म गुरुवात्वाकर्षले यौनक्रियामा कस्तो असर पार्छ भन्ने कुराको अध्ययनका लागि छेपाराहरुलाई अन्तरीक्षमा पठाइएको थियो ।

छेपाराहरु जिउँदै भएको बेलामा अन्तिम पटक उनीहरु एक अर्काबीच लडाइँ गरिरहेको र त्यसपछि रुसी अन्तरीक्ष एजेन्सीका अधिकारीहरुको उनीहरुसँगको सम्पर्क केही समयका लागि विच्छेद भएकेा थियो ।

रुसको दक्षिणी भागमा सोमबार उक्त अन्तरीक्षयान अवतरण गरेपछि त्यो खोलेर हेर्दा त्यसमा रहेका छेपाराहरु मृत अवस्थामा रहेको पाइयो ।

रुसको अन्तरीक्ष एजेन्सी रस्कोमसले भनेको छ, ‘डोर्सोफिला झिंगालेसफलतापूर्वक उक्त अन्तरीक्ष उडानलाई संचालन गर्यो र आफ्नो प्रजनन र विकाश समेत प्रसस्तै गर्यो तर दुर्भाग्यवस सबै छेपाराहरुको मृत्यु भयो ।’

छेपाराहरुको मृत्युको कारण र समय पत्ता लगाउन वैज्ञानिकहरुले अनुसन्धान गर्ने भएका छन् ।

गएको जुलाई १९ मा रुसले ५ वटा छेपाराका साथै केही किरा र झारपात समेत राखेर अन्तरीक्षयान प्रक्षेपण गरेको थियो । ती मध्ये एउटा भाले र अरु पोथी छेपारो थिए ।

नेपाली बजारमा आयो होण्डाको सात सिटे ‘मोबिलियो’ कार

१८ भदौ, काठमाडौं । प्रख्यात जापानी लक्जरी कार निर्माता कम्पनी होन्डाले नेपालमा सात सिटे मोबिलियो कार भित्राएको छ ।

बुधबारदेखि काठमाण्डौमा सुरु सवारी साधन प्रर्दशनी ‘नाडा अटो सो’ मा अर्थमन्त्री डा. रामशरण महतले मोबिलियो सार्वजनिक गरे ।

सात सीट क्षमताको मोबिलियो भारतीय बजारमा निकै प्रख्याती कमाउन सफल भएको होण्डाको नेपालका लागि आधिकारिक बिक्रेता स्याकर ट्रेडिङले जनाएको छ । अध्यक्ष सौरभ ज्योतिका अनुसार भारतमा मोबिलियो किन्न चाहने ग्राहकले ६ महिनासम्म कुर्नुपर्ने अबस्था छ ।

‘मोबिलियो सेभेन सिटर फेमिली मल्टीप्रपोज भेहिकल हो’ ज्योतिले भने- ‘यसले नेपालमा होण्डा गाडीको बजार हिस्सा बढाउने विश्वास लिएका छौं, यसले नयाँ बजार सिर्जना गर्ने छ ।’

पेट्रोल र डिजेल दुबै इञ्जिनमा रहेको मोबिलियो नेपालमा ४ कलरमा उपलब्ध हुने छ । यसको मूल्य नेपाली बजारमा ३० लाख ७० हजा रूपैयाँदेखि ४४ लाख रूपैयाँसम्म पर्ने बताइएकाे छ ।

पेट्रोल इञ्जिनयुक्त मोबिलियो १४९७ सीसी र डिजेल इञ्जिनयूक्त मोबिलियो १४९८ सीसीमा उपलब्ध छ ।

कारको सबैभन्दा आकर्षक पक्ष यसले दिने माइलेज हो । नेपाली सडकमा पेट्रोल इञ्जिन भएको मोबिलियोले प्रतिलिटर १७.३ किलोमिटर र डिजेल इञ्जिन भएको मोबिलियोले २४.२ किलोमिटर माइलेज दिने कम्पनीको दाबी छ ।

मोबिलियोमा ५ फरवार्ड र १ रिभर्स म्यानुअल ट्रान्समिसन गियर छ । पेट्रोल र डिजेल दुबै मोडलमा हृवीलवेस २६५२ एमएम रहेको छ । ग्राउन्ड क्लियरेन्स १८९ एमएम भएको हुँदा कच्ची सडकमा समेत मोबिलियोमा कुदाउन कुनै समस्या नहुने ज्योती बताउँछन् ।

४२ लिटर इन्धन अटाउने ट्याङ्की रहेको मोबिलियोमा कोलाप्सिवल इलेक्ट्रिक स्टेरिङ रहेको छ । मोबिलियोमा पावरफुल इञ्जिन रहनुका साथै बाहिरी भित्री डिजाइन समेत आकर्षक रहेको छ ।

भारतको भारखण्डस्थित एक गाउँमा १८ वर्षकी किशोरीको गराइयो कुकुर सँग बिहे (फोटोफिचर सहित)

मान्छेले मान्छेसँगै बिहे गर्छ । हिन्दु परम्परामा बेलसँग पनि बिहे गर्ने चलन छ । तर के मान्छेको विवाह कुकुरसँग भएको सुन्नुभएको छ ?

भारतको भारखण्डस्थित एक गाउँमा एक १८ वर्षीया किशोरीको विवाह कुकुरसँग भएको छ । मंगली मुण्डा नामकी ती किशोरीको एक परम्परागत समारोहबीच शेरु नामको भाले कुकुरसँग विहे गरिएको हो ।

उनको भाग्य खराब रहेको र सुरुमा कुनै पुरुषसँग बिहे गरेमा ग्रहदशाले निकै नराम्रो फल दिने भनेर एक गुरुले भविष्यवाणी गरेपछि उनले नै दिएको सल्लाह बमोजिम पूर्वी भारतको एक गाउँकी ती युवतीको कुकुरसँग बिहे गराइयो ।

Mangli Munda

कुकुरसँग बिहे भैरहँदा विवाह मण्डपमा बेहुली मंगली खुसी देखिन्नथिन् तर विचरो कुकुर भने मस्त थियो । उसलाई कारमा चढाएर विवाह मण्डपमा ल्याइएको थियो र केटी पक्षका मानिसले स्वागत समेत गरेका थिए फूलमाला लगाइदिएर ।

अहिलेसम्म स्कुल नगएकी निरक्षर मंगलीले आफुलाई कुकुरसँग बिहे गर्दा खुसी नलागेको भएपनि अब आफ्नो भाग्य बदलिने विश्वास व्यक्त गरेकी छिन् ।

‘गाउँका बुढापाकाकै सल्लाह अनुसार मैले कुकुरसँग बिहे गरेकी हुँ र मेरो खराब दशा अब कुकुरमा सर्नेछ’ उनले भनेकी छिन् ।

कुकुरसँग बिहे गरेपछि अब आफुले बिहे गर्ने मान्छेको लामो आयु हुने उनको विश्वास छ ।

Mangli-Munda

मंगलीका बुवा श्री अमुन्दा पनि यो कुरामा सहमत छन् । उनले आफ्नी छोरीका लागि सुहाउने भुस्याहा कुकुर शेरु खोजेर ल्याएका थिए । छोरीलाई खराब दशाबाट जोगाउने एकमात्र उपाय भनेको कुकुरसँग बिहे गर्नु रहेको उनको ठम्याइ छ । आफ्नी छोरीसँग बिहे गरेको त्यो ज्वाइँ कुकुरलाई अब मंगलीका बाउआमाले ज्वाइँलाई जस्तै गरी सम्मान र स्याहार गर्नेछन् । अबका केही महिनासम्म मंगली आफैले त्यो कुकुरको स्याहार गर्नुपर्नेछ, स्वामीका रुपमा ।

उक्त गाउँमा यसअघि पनि खराब दशा भएका किशोरीहरुको कुकुरसँग बिहे गरिदिएर ग्रहशान्ती गर्ने चलन रहेछ । कुकुरसँग बिहे गर्ने केटीहरुलाई झनै राम्रो मानिँदो रहेछ ।

मंगली भन्छिन्, ‘मैले एक दिन कुनै पुरुषसँग बिहे गर्नेछु । आफ्नो मन परेको राजकुमारसँग बिहे गर्ने सबै केटीहरुको सपना हुन्छ । त्यसैले मैले पनि मेरो राजकुमारलाई पर्खिरहेकी छु ।’

पैसाको अभावमा बेश्याबृत्ति,- बेश्याबृत्तिको अभियोगमा चर्चित नायिका पक्राउ

भारतीय चर्चित सिने अभिनेतृ श्वेता बसु बेश्याबृत्तिको अभियोगमा पक्राउ परेकी छिन् ।

गत आइतवार हैदराबाद प्रहरीले एक होटलमा छापा मार्दा श्वेता केही ‘हाइप्रोफाइल’ बिजनेसम्यानसँग आपत्तिजनक अबस्थामा फेला परेको इन्डिया टुडेले जनाएको छ ।

२३ बषिर्या श्वेताले हाइप्रोफाइल बेश्याबृत्ति संजाल चलाइरहेको आशंकामा

प्रहरीले छापा मारेको थियो । उनको साथबाट मुम्बईका केही घरानियाँ ब्यापारी पनि पक्राउ परेका छन् । तर प्रहरीले उनीहरुको नाम खुलाएको छैन् ।

श्वेताले आफुसँग पैसा नभएपछि बेश्याबृत्तिमा लाग्नुपरेको बताएकी छिन् । पक्राउ परेपछि बिज्ञप्ति जारी गर्दै उनले भनिन्- मैले मेरो करियरमा निकै गलत निर्णय गरेँ । मसँगै पैसाको निकै अभाव भयो, परिवारलाई सहयोग गर्नुपर्ने थियो । सवै ढोकाहरु बन्द भए र केही मानिसहरुले मलाई बेश्याबृत्तिमा लागेर पैसा कमाउन हौसाए ।’

एनले आफुसँग कुनै पनि बिकल्प बाँकी नरहेपछि र असहाय भएपछि अन्तिम बिकल्पका रुपमा बेश्याबृत्ति छनौट गरेको बताइन् । उनले यो पनि दावी गरेकी छिन की यस्तो धन्दामा लाग्ने उनी एक्लो हिरोइन हैनन्, अन्य धेरै नायिका यही हालतबाट गुजि्रएका छन् ।

श्वेता बेश्याबृत्तिको धन्दामा लागेको भन्दै स्थानीय टेलिभिजनले केही समयअघि स्टिङ अपरेशनमार्फत् खुलासा पनि गरेको थियो ।

को हुन श्वेता ? 

सन् २००२ मा विशाल भारद्धाजको ‘मग्दी’ सिनेमामा बालकलाकारको रुपमा काम गरेर उनले ‘राष्ट्रिय अवार्ड’ जितेकी थिइन् । उनी थुप्रै हिन्दी सिनेमा तथा सिरियलमा देखिएकी थिइन् । उनले एकता कपुरको ‘कहानी घर घर की’ जस्तो चर्चित सिरियलमा समेत अभिनय गरेकी छिन् ।

यसपश्चात उनी हैदरवादमा तेलुगु सिनेमा खेल्नका लागि प्रस्थान गरेकी थिइन् ।